Спорт - Сонгинохайрхан дүүргийн мэдээ мэдээлэл http://songino.nutag.mn/ ru Спорт - Сонгинохайрхан дүүргийн мэдээ мэдээлэл DataLife Engine Улсын арслан Э.Батмагнай бөхчүүдийн чансааг тэргүүлж байна http://songino.nutag.mn/index.php?newsid=3273 http://songino.nutag.mn/index.php?newsid=3273
Монголын Үндэсний бөхийн холбооноос шинэчилсэн чансааг гаргажээ. Энэ долоо хоногт гарсан чансааг улсын арслан Э.Батмагнай тэргүүлж, аймгийн хурц арслан Н.Амгаланбаатар удаалж байна.
Жагсаалтын хоёрт бичигдсэн аймгийн арслан Н.Амгаланбаатар хамгийн сүүлд “Наурыз-2026” барилдаанд үзүүрлэсэн.
Чансаа өндөр 20 бөх
  1. Улсын арслан Э.Батмагнай – 8850 оноо
  2. Аймгийн арслан Н.Амгаланбаатар -7400
  3. Улсын заан С.Сүхбат -6850
  4. Улсын аварга О.Хангай – 5550
  5. Аймгийн арслан Д.Алтанцоож -5550
  6. Улсын заан Б.Бат-Өлзий -5400
  7. Аймгийн арслан М.Баяржавхлан -5400
  8. Улсын харцага Б.Зоригтбаатар -4950
  9. Улсын арслан Б.Орхонбаяр -4750
  10. Улсын арслан Ц.Бямба-Отгон -4550
  11. Улсын начин Б.Даваа-Очир -4150
  12. Улсын заан Д.Хүдэрбулга -4000
  13. Улсын заан М.Лхагвагэрэл -3900
  14. Улсын харцага Н.Золбоо -3750
  15. Улсын арслан Э.Оюунболд -3700
  16. Аймгийн арслан Б.Очирхүү -3600
  17. Аймгийн арслан Ө.Батсуурь -3600
  18. Улсын арслан Р.Пүрэвдагва -3100
  19. Улсын заан Д.Анар -3100
  20. Улсын харцага Ц.Мөнхбаяр -3100
]]> zulaa Wed, 25 Mar 2026 17:49:04 +0800 Залуу тамирчид УАШТ-ийг өнгөлж, аваргуудад хүчтэй өрсөлдөгч болсноо харуулав http://songino.nutag.mn/index.php?newsid=3249 http://songino.nutag.mn/index.php?newsid=3249
“Монголын спортын наадам 2026” тэм­цээ­­ний хүрээнд 10 холбооны, 11 спортын тө­рөлд 1886 тамирчин 120 багц медалийн төлөө энэ сарын 18-25 хүртэл өрсөлдсөн юм. Долоо хоног спортоор амьсгалсан өдрүүдэд байт харвааны компаунд төрөлд эрэгтэйчүүдээс Т.Бат,Б.Баярсайхан (“Алдар”спорт хороо), Г.Ган­зориг (“Хангарьд” клуб) нар эхний гурван байрт шалгарлаа. ЭмэгтэйчүүдээсБ.Батдулам(“Зэвт хасар”) алт, Б.Мөнгөнчимэг (“Ал­дар”) мөнгө, Ц.Батчимэг (“Бод шонхор” клуб) хүрэл медаль зүүв. Рекурв төрөлд эрэг­тэй­чүү­дээс М.Энхбаяр (“Котинос”) тү­рүүлж, эмэг­тэйчүүдээс Б.Урантунгалаг (“Алдар”) түрүүл­жээ. Компаунд харвааны эрэгтэй­чүү­дийн багийн төрөлд Орхон аймгаас оролц­сон “Хангарьд”, эмэгтэйчүүдээс “Зэвт хасар” клу­бийн харваачид тэргүүлэв. Рекурв хар­вааны багийн эрэгтэй, эмэгтэйчүүдийн төрөлд “Алдар” спорт хорооныхон тэргүүлж, улсын аварга боллоо. Түүнчлэн виртуал дугуйн спор­тын тэмцээний элит ангилалд эрэг­тэй­ чүү­дээс ОУХМ Э.Болор-Эрдэнэ, эмэг­тэй­чүү­ дээс Э.Энхмаа тэргүүн байр эзэлжээ. Жүдо бө­хийн онцлох барилдаануудаас сонир­хуулбал, эмэгтэйчүүдийн 48 кг-ын жинд “Женко” клу­бийнхээс өсвөр үеийнхний ДАШТ-ий мөн­гөн медаль, Ази тивийн аварга Ж.Анударь хоёр дахь жилээ түрүүлж байна. 52 кг-д “Гүрү дожо” дэвжээний тамирчин М.Нандин-Эрдэнэ жин өгсөж оролцсон Азийн хүрэл медальт, “Их дуулга” тэмцээний хошой аварга Г.Наранцэцэгийг ялж, мөн хоёр жил дараалж аваргалав. 78 кг-д “Орхон ирээдүйн одод”-ын та­мирчин Ж.Урангоо өнгөрсөн жил хүрлийн тө­лөө барилдаад медалиас мултарсан бол энэ удаа аваргалав. Тус жинд улсын 11 удаагийн авар­гаар шалгарсан Азийн хошой аварга П.Лхам­дэгд 2026 оноос 78 кг-д түрүүлсэн бөхөд нэрэмжит шагналаа өгөхөөр болсон. Түү­ний шагналыг анхны багш болох Гавьяат дас­гал­жуулагч Ш.Цэвэлмаа Ж.Урангоод гардуул­лаа. П.Лхамдэгд өдгөө АНУ-д нөхөр олим­пын хүрэл медальт, гавьяат тамирчин С.Ням-Очирын хамт ажиллаж, амьдарч буй. Эрэг­тэйчүүдээс 60 кг-д “Шинэ бадрах” дэв­жээний тамирчин Т.Түмэнжаргал түрүүлж, насанд хүрэгчдийн ангиллаас анхны медалиа гардсан юм. 66 кг-д ДАШТ-ий хүрэл медальт К.Ёолк шигшээ барилдаанд Азийн аварга, улсын гурван удаагийн аварга Б.Эрхэмбаярыг илүү­р­­ хэж түрүүллээ. 81 кг-д “Тэмүүжин” клу­бийн та­мирчин О.Шинэбаяр “Шинэ бадрах” клубийх­нээс Б.Шинэтулгыг хо­жиж, хошой аварга боллоо.]]> zulaa Wed, 28 Jan 2026 14:49:03 +0800 "Астана дэлхийн цом-2025" тэмцээнээс мөнгөн медаль хүртлээ http://songino.nutag.mn/index.php?newsid=3122 http://songino.nutag.mn/index.php?newsid=3122
Казакстан улсын Астана хотноо зохион байгуулагдсан гардан тулааны аварга шалгаруулах "Астана дэлхийн цом-2025"  тэмцээний өөрийгөө хамгаалах төрөлд ДХИС-ийн Онцгой байдлын сургуулийн 633 дугаар дамжааны сонсогч М.Бат-Эрдэнэ 80 кг-ийн жинд мөнгөн медаль хүртлээ.
Тэмцээнд Монгол Улсаа төлөөлөн Дотоод хэргийн их сургуулийн Биеийн тамир, албаны бэлтгэлийн институтийн ахлах багш, дэд хурандаа Х.Оналбек дасгалжуулагчтай 11 тамирчин оролцсон байна. 
Баг тамирчид тус тэмцээний өөрийгөө хамгаалах болон тулааны төрлөөс  2 алт, 4 мөнгө, 7 хүрэл нийт 13 медалийг хүртсэн амжилтыг үзүүлсэн юм. 


]]> zulaa Tue, 21 Oct 2025 09:40:34 +0800 Гавьяат тамирчин П.Орхон ДАШТ-ээс хүрэл медаль хүртлээ http://songino.nutag.mn/index.php?newsid=3097 http://songino.nutag.mn/index.php?newsid=3097
Хорват улсын нийслэл Загреб хотод чөлөөт бөхийн насанд хүрэгчдийн дэлхийн аварга шалгаруулах тэмцээн есдүгээр сарын 13-21-ний өдрүүдэд болж байна.
Тэмцээний эмэгтэйчүүдийн 62 кг-ын жинд гавьяат тамирчин, дэлхийн аварга, Азийн АШТ-ий алт, мөнгөн медальт, Үндэсний шигшээ багийн тамирчин П.Орхон Африкийн АШТ-д гурвантаа түрүүлж, нэг үзүүрлэсэн, U23 ангиллын ДАШТ-ий хошой хүрэл медальт, Нигери улсын бөх Эстер Омолаёо Колаволийг 6:5-аар ялсанаар хүрэл медаль хүртэж, ДАШТ-ий хоёр дахь медалиа гардлаа. 
Тэрбээр найман жилийн өмнөх тус тэмцээнээс алтан медаль хүртэж байв. “Загреб-2025” ДАШТ-ий Монголын багийн дөрөв дэх медальтан болж байна. Мөн түүний энэ амжилт ДАШТ-ээс хүртсэн Монголын чөлөөт бөхийн баг тамирчдын 83 дахь медаль, 47 дахь хүрэл медаль болов.
Эх сурвалж: Биеийн тамир, спортын улсын хороо
]]> zulaa Fri, 19 Sep 2025 10:45:38 +0800 “Khan Cup” 3х3 сагсан бөмбөгийн тэмцээний улсын аваргууд тодорлоо http://songino.nutag.mn/index.php?newsid=3088 http://songino.nutag.mn/index.php?newsid=3088
ХААН Банкны нэрэмжит “Khan Cup” 3х3 сагсан бөмбөгийн тэмцээний финалын шат буюу улсын аварга шалгаруулах тэмцээн өнгөрсөн бямба гарагт Үндэсний соёл амралтын хүрээлэнд амжилттай болж өндөрлөлөө. Тус тэмцээнд орон нутгийн таван бүс болон нийслэлээс тодорсон эрэгтэй, эмэгтэй нийт 24 баг аваргын төлөө хурд хүч, авхаалж самбаагаа сорин өрсөлдсөн юм.
Монголын хамгийн том банкны хувьд ХААН Банк нийгмийн хариуцлагын хүрээнд хүүхэд, залуусын чөлөөт цагийг зөв боловсон өнгөрүүлэх, эрүүл мэнд, бие бялдрын хөгжил, багийн спортыг дэмжих зорилгоор 2021 онд 21 аймаг, Зүүнхараа, Замын-Үүд болон нийслэлийн 8 дүүрэгт 3х3 сагсан бөмбөгийн жишиг талбайг байгуулсан бөгөөд жил бүр улсын хэмжээнд энэхүү тэмцээнийг уламжлал болгон зохион байгуулж ирсэн билээ.










Улсын аварга шалгаруулах тэмцээний эрэгтэй ангилалд Дорноговь аймгийн 2-р сургуулийн баг тамирчид тэргүүн байр эзэлж, удаах байруудад Чингэлтэй дүүргийн “Show time” болон Ховд аймгийн “Ховд Азза” багууд шалгарлаа. Харин эмэгтэй ангилалд Чингэлтэй дүүргийн “DIP” баг түрүүлж, Багануур дүүргийн “RAIDS1” болон Сэлэнгэ аймгийн Ерөө сумын багууд хоёр, гуравдугаар байр эзэллээ. Аварга болсон баг тамирчид мөнгөн урамшууллаас гадна өчигдөр Монголын 3х3 сагсан бөмбөгийн шигшээ багтай хамтарсан бэлтгэл хийсэн юм.
Энэ жилийн тэмцээнийг Монголын 3х3 сагсан бөмбөгийн холбоотой хамтран олон улсын стандартын дагуу, илүү өргөн цар хүрээтэйгээр зохион байгуулснаараа онцлог  бөгөөд орон даяар нийт 510 багийн 2000 гаруй хүүхдийг хамруулсан юм.
undefined
ХААН Банк Монголын сагсан бөмбөгийн спортыг байнга дэмжсээр ирсэн. Тодруулбал, 2015 оноос хойш NBA-ийн шууд дамжуулалтыг Монголын үзэгчдэд хүргэхэд ерөнхий ивээн тэтгэгчээр ажиллаж байсны дээр 2024-2025 оны Оюутны лигийг дэмжин ажилласан билээ. Мөн өнгөрсөн онд Монголын сагсан бөмбөгийн дээд лигийн “Бишрэлт Металл” багтай хамтран ажиллах санамж бичиг байгуулж, ивээн тэтгэгчээр ажиллаж байна.
Спортын өсөлтийг дэмжигч – ХААН Банк
]]> zulaa Wed, 03 Sep 2025 13:13:34 +0800 “Khan Cup” 3х3 сагсан бөмбөгийн тэмцээний ялагчид бямба гарагт тодорно http://songino.nutag.mn/index.php?newsid=3086 http://songino.nutag.mn/index.php?newsid=3086
ХААН Банкны нэрэмжит “Khan Cup” 3х3 сагсан бөмбөгийн тэмцээний 2 дахь шат буюу Бүсийн аварга шалгаруулах тэмцээний албан ёсны нээлтийн арга хэмжээ Үндэсний соёл амралтын хүрээлэнд өнөөдөр боллоо. Энэхүү нээлтийн ёслолд аймаг аймгаас шалгарсан шилдэг баг тамирчид хүрэлцэн ирснээс гадна ХААН Банкны Гүйцэтгэх захирал, НҮБ-ын Хүүхдийн сангийн үндэсний элч Р.Мөнхтуяа, НҮБ-ын Хүүхдийн сангийн суурин төлөөлөгч Эваристе Коуасси-Комлан болон Монголын 3х3 сагсан бөмбөгийн холбооны Ерөнхий нарийн бичгийн дарга С.Төгсжаргал нар оролцлоо. Мөн ХААН Банк өнгөрсөн оноос ивээн тэтгэн хамтран ажиллаж буй Монголын сагсан бөмбөгийн дээд лигийн “Бишрэлт Металл” багийн тамирчид хүүхдүүдийг дэмжихээр хүрэлцэн ирсэн нь онцлог байлаа.
Үндэсний хэмжээний хамгийн том банкны хувьд ХААН Банк нийгмийн хариуцлагын хүрээнд хүүхэд залуусын чөлөөт цагийг зөв боловсон өнгөрүүлэх, эрүүл мэнд, бие бялдрын хөгжлийг дэмжих, багийн спортыг хөгжүүлэхэд хувь нэмэр оруулах үүднээс 2021 онд 21 аймаг, Зүүнхараа, Замын-Үүд болон нийслэлийн 8 дүүрэгт 3х3 сагсан бөмбөгийн жишиг талбай байгуулсан бөгөөд жил бүр ХААН Банкны нэрэмжит 3х3 сагсан бөмбөгийн тэмцээнийг аймаг бүрд зохион байгуулдаг уламжлалтай болсон билээ. Энэ жилийн хувьд ХААН Банк Монголын 3х3 сагсан бөмбөгийн холбоотой хамтран уг тэмцээнийг олон улсын стандартын дагуу, илүү өргөн цар хүрээнд зохион байгуулж, орон даяар нийт 510 багийн 2000 гаруй хүүхдийг хамруулснаараа онцлог юм.






ХААН Банкны Гүйцэтгэх захирал Р.Мөнхтуяа тэмцээний нээлтийн үеэр “Багийн спорт гэдэг хамтдаа ялалт байгуулах урам зориг, хамтдаа хичээх тэсвэр хатуужил, хамтдаа ялах, ялагдахын сургамжийг өгдөг. Манай банкны уриа үг ХАМТЫН ӨСӨЛТ ТӨГӨЛДӨР. Энэ уриатай багийн спортын зорилго мөн нийцдэг гэж бодож байна. Хамтдаа илүү хол алхана, илүү хүчтэй байна, илүү амжилт үзүүлнэ. Тиймээс бид багийн спортыг дэмжихийг зорьж, түүгээр дамжуулж, хүүхэд залууст хамтдаа олон олон ялалт байгуулж, өсөж хөгжих, эх орныхоо нэрийг тив дэлхийд дуурсгах ирээдүйн аваргуудын өсөж өндийх хөрсийг бэлдэж байна гэж үзэж байна” гэлээ.
ХААН Банкны нэрэмжит “Khan Cup” 3х3 сагсан бөмбөгийн тэмцээний 2 дахь шат буюу Бүсийн аварга шалгаруулах тэмцээний ялагчид энэ сарын 29-нд тодрох бөгөөд орон нутгийн 5 бүс болон нийслэлээс шалгарсан нийт эрэгтэй, эмэгтэй 24 баг 8-р сарын 30-нд улсын аваргын төлөө хүч сорих юм.






Тэмцээний нийт шагналын сан 150 сая төгрөг. Бүсийн аварга шалгаруулах тэмцээний 1-р байр 2 сая, 2-р байр 1 сая, 3-р байр 700 мянган төгрөгийн шагналтай бол финалын шатанд аваргын цомын эзэн болох баг 5 сая, 2-р байр 3 сая, 3-р байр 1 сая төгрөгийн шагнал хүртэх юм. Мөн үүнээс гадна ХААН Банк Монголын 3х3 сагсан бөмбөгийн холбоотой хамтын ажиллагааны хүрээнд тэмцээний аварга баг тамирчдыг шигшээ багтай хамтарсан бэлтгэлд хамруулах боломжийг бүрдүүлэх, их дээд сургуульд элсэн суралцахад нь дэмжлэг үзүүлэх зэргээр Монголын сагсан бөмбөгийн спортыг бүх түвшинд тогтвортой дэмжихээр зорьж байна.
ХААН Банк Монголын сагсан бөмбөгийн спортыг байнга дэмжсээр ирсэн. Тодруулбал, 2015 оноос хойш NBA-ийн шууд дамжуулалтыг Монголын үзэгчдэд хүргэхэд ерөнхий ивээн тэтгэгчээр ажиллаж байсны дээр 2024-2025 оны Оюутны лигийг дэмжин ажилласан билээ.
Спортын өсөлтийг дэмжигч – ХААН Банк
]]> zulaa Thu, 28 Aug 2025 16:29:14 +0800 Сүмогийн холбоог орхисон Хакүхо М.Даваажаргал сүмог дэлхийн спорт болгоно гэв http://songino.nutag.mn/index.php?newsid=3038 http://songino.nutag.mn/index.php?newsid=3038
Хакүхо М.Даваажаргал өнөөдөр/2025.06.09/ Токио хотноо хэвлэлийн бага хурал зарлаж, албан ёсоор сүмогийн холбооноос гарч буйгаа мэдэгдлээ. Түүний дэвжээнд гарсан танхай, ёс зүйгүй үйлдлийн улмаас дэвжээ нь хаагдсан билээ.
Хакүхо хэлсэн үгэндээ "Сүмог хайрлаж, сүмод хайрлагдсаар 25 жилийг үджээ" хэмээгээд сүмогийн холбоог орхиж буйгаа хэлжээ. Дээд зиндаанд 45 удаа түрүүлж, рекорд тогтоосон тэрбээр 2021 онд зодог тайлж, багш, дасгалжуулагч болох замналаа эхлүүлсэн билээ. Гэвч түүний дэвжээ өнгөрсөн оны дөрөвдүгээр сард хаалгаа барьсан.
Шалтгаан нь түүний шавь Хокүсэйхо Э.Даваанинж доод зиндааны бөхчүүдээ дээрэлхэж, мөнгийг нь дээрэмддэг байсан гэх хэрэг гарсан. Үүний улмаас шавиа хүмүүжүүлж, анхаарч чадаагүй гэх шалтгаанаар Хакүхо мөн дэвжээгээ алдахад хүрсэн.
Хакүхогийн сүмогийн холбоог орхих өргөдлийг хүлээн авч, зөвшөөрчээ.
Хакүхо ирээдүйн төлөвлөгөөнийхөө талаар ярихдаа "Сүмог дэлхийд түгээх төслүүдэд анхаарлаа хандуулах бодолтой байна" гэжээ.
М.Даваажаргал анх 15 насандаа Японд ирж, 2001 онд дебютээ хийж байв. Улмаар 2006 онд анхны дээд зиндааны түрүүгээ хүртэж, улмаар түүхэн дэх хамгийн агуу ёкозүна болон үлдсэн юм.
]]> zulaa Thu, 12 Jun 2025 09:19:28 +0800 Э.Цэндбаатар ялалт байгуулснаар Дэлхийн аваргад өрсөлдөнө http://songino.nutag.mn/index.php?newsid=2905 http://songino.nutag.mn/index.php?newsid=2905
Төв Азийн аваргын бүсийн төлөөх "Night of Champions Ulaanbaatar-2025" тэмцээн өчигдөр (2025.02.15) Улаанбаатар хотноо Аса арена-д болж, Монгол Улсын гавьяат тамирчин Э.Цэндбаатар ялалт байгууллаа. Тэрбээр Мексик улсын тамирчин Педро Родригестой тулалдсан бөгөөд 6 дугаар үед буулган авсан юм.
Мөн энэхүү тэмцээнд Монгол Улсын гавьяат тамирчин Н.Төгсцогт оролцож, спортдоо эргэн ирснээ зарлав.
Монгол Улсад анх удаагаа болсон энэхүү тэмцээнд гадаад дотоодын 14 тамирчин оролцсон юм.
Энэ тулаан болохоос сарын өмнө Монгол Улсын гавьяат тамирчин Э.Цэндбаатар мэдээлэл хийх үеэрээ  мэргэжлийн боксын өөрийн жингийн аваргын бүс хамгаалах 12 дахь тулаанаа хийх болсноо мэдэгдсэн. Тэрбээр мэргэжлийн боксын спортод 11 тулаан хийж, бүгдэд нь ялалт байгуулсан бөгөөд тэр дундаа тавд нь хүнд цохилтоор өрсөлдөгчдөө буулган авч байсан юм. Эдгээр тулааныхаа зургааг нь АНУ-д, гурвыг нь ОХУ-д, хоёрыг нь БНХАУ-д хийсэн бол энэ удаагийнх Монголд боллоо. Тэрбээр энэ удаагийн тулаанд ялбал ирэх тавдугаар сард болох Дэлхийн аваргад өрсөлдөх боломж нээгдэнэ гэж мэдэгдэж байв.
]]> zulaa Wed, 19 Feb 2025 12:59:11 +0800 Хошорюү С.Бямбасүрэн Хацү Башёд түрүүлж, ёкозүна болох болзлыг хангалаа http://songino.nutag.mn/index.php?newsid=2865 http://songino.nutag.mn/index.php?newsid=2865
Мэргэжлийн сүмогийн Хацү Башё өндөрлөлөө. Үүнд озэки Хошорюү С.Бямбасүрэн түрүүлж, хоёр дахь түрүүгээ авсан байна. Ингэснээр тэрбээр ёкозүна цол хүртэх болзол хангаад байгаа юм.
Озэки Хошорюү С.Бямбасүрэн нь Асашёрюү Д.Дагвадоржийн дүү юм. Тодруулбал,  Д.Дагвадоржийн том ах Д.Сугаррагчаагийн хүү билээ.
Асашёорюү ч өнөөдрөөс яг 20 жилийн өмнө Хацү Башёд түрүүлж байжээ.
Озэки Хошорюү С.Бямбасүрэнд ёкозүна цол олгох эсэхийг зөвлөл хуралдаж, тун удахгүй шийдвэрлэх юм байна. Тэрбээр өнөөдөр хоёр удаагийн нэмэлт барилдаанд хоёуланд нь давжээ.
]]> zulaa Mon, 27 Jan 2025 12:44:46 +0800 Э.Цэндбаатар: Боломжгүй зүйл гэж байхгүйг батлан харуулмаар байна http://songino.nutag.mn/index.php?newsid=2848 http://songino.nutag.mn/index.php?newsid=2848
Монгол Улсын Гавьяат тамирчин, мэргэжлийн боксчин Э.Цэндбаатар  хоёрдугаар сарын 15-ны өдөр "АСА Арена"-д болох Аваргын бүс хамгаалах тулааныхаа талаар өнөөдөр мэдээлэл хийлээ.
МУГТ, Мэргэжлийн боксчин Э.Цэндбаатар: Би бокс тоглоод 16 жил болсон байна. Мэргэжлийн бокс тоглоод хоёр жил болжээ. Өнгөрсөн оны аравдугаар сард WBA холбооны төвийн бүсийн бүсний эзэн болсон. Энэ бүсийг авах гэж хоёр жил хөдөлмөрлөсөн. Энэ бүсээ авсандаа маш их баяртай байгаа. Мэргэжлийн боксын карьертаа нэг ч ялагдаагүй цувралаа үргэлжлүүлж байна. Миний бүсээ хамгаалах 12 дахь тулаан хоёрдугаар сард болно. Би 61.2 кг биш дээд жиндээ тоглохоор болсон. Өрсөлдөгч болох 2-3 тамирчин маань бараг хожигдол байхгүй гэхэд болно. Дэлхийн чансааны топ 15-т багтдаг тамирчидтай тулалдана. WBA холбооны ерөнхийлөгч Монголд ирнэ. Майк тайсныг бид зурагтаар үздэг байсан. Ийм тоглолтыг Монголын ард түмэндээ харуулахыг зорьж байгаа. Би Монголдоо анх удаа тулалдах гэж байна. Ард түмэнтэйгээ 12 дахь ялалтаа хуваалцмаар байна. Би их хичээж байгаа. Баянгол зочид буудалд байрлаж, тэмцээний бэлтгэл сургуулилалтаа хийж байна. Монголын нөхцөлд бэлтгэлээ хийхэд хүнд байгаа учир нэгдүгээр сарын 15-нд АНУ руу буцаж, ирэх сарын 15-н гэхэд эх орондоо ирнэ.
Би тулаанд ялбал ирэх тавдугаар сард болох Дэлхийн аваргад өрсөлдөх боломж нээгдэнэ. Хойч үе болсон залуустаа зөвөөр үлгэрлэж, замыг гаргахыг хүсэж байна. Энэ тулаанд Н.Төгсцогт оролцоно. Эх орныхоо нэрийг олон улсад гаргаж яваа тамирчин. Одоо түүнийг рингдээ эргэн ирэхэд нь ард түмэн нь хамт байгаасай. Миний урд талын тулаанд өрсөлдөнө. Эх орондоо дэмжигч ард түмнийхээ уухай түрлэгийг сонсож огшдог. Би дошин дээрээ байна. Энэ бол миний эх орон. Боломжгүй зүйл гэж байхгүй гэдгийг би өөрөөрөө баталж харуулмаар байна. 
]]> zulaa Mon, 20 Jan 2025 10:26:43 +0800