Онцлох - Сонгинохайрхан дүүргийн мэдээ мэдээлэл http://songino.nutag.mn/ ru Онцлох - Сонгинохайрхан дүүргийн мэдээ мэдээлэл DataLife Engine Томоохон голуудын усны түвшинг нэмэгджээ http://songino.nutag.mn/index.php?newsid=3350 http://songino.nutag.mn/index.php?newsid=3350
2026 оны 6 дугаар сарын 23-ны өдрийн байдлаар Хэнтий нурууны баруун хажуугаас эхтэй Ерөө, зүүн хажуугийн Балж, Хангай нурууны араас усжих Сэлэнгэ, Орхон зэрэг голуудын усны түвшин өмнөх өдрөөс 20-60 см нэмэгдэж, Сэлэнгэ мөрөн Орхон гол Сүхбаатар сум орчимд олон жилийн дундаж түвшинг 45-85 см, Ерөө гол үерийн түвшинг 40-70 см, Хүдэр гол үерийн аюултай түвшинг 55 см даван тус тус хүчтэй үерлэж байна.
Маргааш буюу 24-ны өдөр Ерөө гол Дулаанхаан сум орчимд усны түвшин 25 см нэмэгдэж, үерийн аюултай түвшинд дөхөн үерлэх төлөвтэй байна.
Иймд дээрх голууд болон гол мөрний сав дагуу суурьшиж, нутаглаж буй малчид, тариаланчид , аж ахуйн нэгж байгууллага, аялаж, амарч, зугаалж яваа ард иргэд үерийн аюулаас сонор сэрэмжтэй байж, голын эрэг хөвөө дагуу бууж сууршихгүй байх, бага насны хүүхдэд тавих анхаарал халамжаа сайжруулах, голруу зориулалтын болон зориулалтын бус хөвөгч ашиглан орохгүй байхыг анхааруулж байна.
]]> zulaa Fri, 26 Jun 2026 10:40:46 +0800 Малчдын хүүхдүүдийг найман насанд нь сургуульд элсүүлэхийг дэмжлээ http://songino.nutag.mn/index.php?newsid=3347 http://songino.nutag.mn/index.php?newsid=3347
УИХ-ын Хүний хөгжил, нийгмийн бодлогын байнгын хорооны өчигдрийн (2026.06.23)- хуралдаанаар малчдын хүүхдүүдийг найман насанд нь сургуульд элсүүлэх тухай хуулийн төслийг хэлэлцэхийг дэмжив
Хуралдааны эхэнд Улсын Их Хурлын гишүүн Р.Сэддорж нарын 36 гишүүний өргөн мэдүүлсэн Сургуулийн өмнөх болон ерөнхий боловсролын тухай хуульд нэмэлт, өөрчлөлт оруулах тухай хуулийн төсөл, хамт өргөн мэдүүлсэн хуулийн төслүүдийг хэлэлцэх, эсэх хэлэлцүүлгийг явуулав.
Хууль санаачлагчийн илтгэлийг Улсын Их Хурлын гишүүн Р.Сэддорж танилцуулав. Манай улсын малтай өрхийн тоо 2022 онд 248,3 мянга болж өссөн бөгөөд нийт малчдын дунд 15-44 хүртэлх насны малчид 26.9 хувь, 35-44 хүртэлх насны малчид 58.5 хувь, 55-аас дээш насны малчид 14.6 хувийг тус тус эзэлж байжээ. Сүүлийн 3 жилд 15-34 насны залуу малчдын тоо 2.9 нэгж хувиар буюу 7.0 мянгаар багасаж, 35-59 насны малчдын эзлэх жин 1.7 нэгж хувиар буюу 8.8 мянгаар нэмэгдсэн байна.
Залуу малчдын тоо жилээс жилд буурч байгаа нь малчдын залгамж халаа алдагдах, дунд болон ахмад малчдын тоо өсөх хандлагатай, хөдөлмөрийн насны малчдын дунд насжилтын өөрчлөлт нэлээд явагдаж байгааг зайлшгүй анхаарч бодлогын хариу арга хэмжээ авах шаардлагатай гэж хууль санаачлагчид үзжээ. Малчин өрхийн  хүүхэд зургаан наснаас сургуульд суралцах нь тэдний амьдралд хүндрэл бэрхшээл үүсгэж, олон талын сөрөг үр дагавар дагуулж буй тул малчдын өөрсдийнх нь хүсэлтийн дагуу тухайн онд найман нас хүрэх хүүхдийг ерөнхий боловсролын сургуульд элсүүлэн суралцуулах, малчин өрхийн хүүхдийн 1, 2 дугаар ангийн сургалтыг хуульд заасан журмын дагуу зайнаас болон цахимаар явуулахаар хуулийн төсөлд тусгажээ.

Хууль санаачлагчийн илтгэлтэй холбогдуулан Улсын Их Хурлын гишүүн О.Саранчулуун, Д.Рэгдэл, П.Ганзориг, Л.Энх-Амгалан нар асуулт асуусан юм. Хуулийн хэзээнээс, хэрхэн хэрэгжүүлэх, энэ талаар Засгийн газар ямар байр суурьтай байгаа, хөгжлийн бэрхшээлтэй хүүхдээ асардаг болон бусад нөхцөл, шаардлагаар зайнаас болон цахимаар сургалтад хамруулж буй эцэг, эхчүүдийн туршлага, урьд өмнө манай улсад хэрэгжүүлдэг байсан шавь сургалт зэрэг арга хэлбэрүүд, туршлагыг хэр судалсан тухай, мөн зайны болон танхимын сургалтын чанарын зөрүүг хэрхэх зэргийг асууж, хууль санаачлагчаас хариулт авсан юм. Улсын Их Хурлын гишүүн, Засгийн газрын гишүүн, Боловсролын сайд Л.Энх-Амгалан суралцах арга хэлбэрийн болон элсэлтийн насны зөрүү байхгүй байгаа үед ч хот, хөдөөгийн сургалтад чанарын ялгаа их болсныг дурдаж, хуулийг хэрэгжилтийг хэрхэн чанартай зохион байгуулах, сурлагын хоцрогдол үүсгэхгүй байх зэрэгт анхаарах шаардлагатайг тэмдэглэв.
Улсын Их Хурлын гишүүн О.Саранчулуун, Д.Рэгдэл нар хуулийн төслийг дэмжиж байгаагаа илэрхийлж үг хэллээ. Санал хураалт явуулахад Байнгын хорооны хуралдаанд оролцсон гишүүдийн олонх буюу 70.6 хувь нь Сургуулийн өмнөх болон ерөнхий боловсролын тухай хуульд нэмэлт, өөрчлөлт оруулах тухай болон хамт өргөн мэдүүлсэн хуулийн төслүүдийг үзэл баримтлалын хүрээнд хэлэлцэх нь зүйтэй гэж үзлээ.
]]> zulaa Wed, 24 Jun 2026 15:45:39 +0800 Шүлхий өвчнөөс урьдчилан сэргийлэх дархлаажуулалтын ажил үргэлжилж байна http://songino.nutag.mn/index.php?newsid=3346 http://songino.nutag.mn/index.php?newsid=3346
Сонгинохайрхан дүүргийн мал бүхий хороодын нутаг дэвсгэрт байгаа бог малыг дархлаажуулах ажил 6 дугаар сарын 17-ны өдрөөс эхэлсэн. Өнөөдрийн байдлаар 19000 толгой малыг хамруулж дархлаажуулалтын ажил 60 хувийн гүйцэтгэлтэй үргэлжилж байна.
Уг дархлаажуулалтад 32000 толгой бог малыг хамруулахаар төлөвлөгдсөн байгаа аж.
]]> zulaa Wed, 24 Jun 2026 14:27:22 +0800 Эрчим хүчний хэмнэлттэй ногоон орон сууцны төслүүд Баянхошуу, Шархад дэд төвд хэрэгжиж байна http://songino.nutag.mn/index.php?newsid=3343 http://songino.nutag.mn/index.php?newsid=3343
Бага, дунд орлоготой иргэд болон залуу гэр бүлүүдэд зориулсан орлогод нийцсэн ногоон орон сууцыг Баянхошуу, Шархад дэд төвүүдэд хэрэгжүүлж байна.
Тус төсөл нь Баянхошуу, Шархад дэд төвийн 60 гаруй га талбайг хамрах бөгөөд нийт 5000 айлын орон сууцыг хоёр үе шаттай барих юм. Төслийн эхний шатанд Баянхошуу дэд төвд 462 айлын 13 блок орон сууц, Шархад дэд төвд 338 айлын 10 блок орон сууц болон үйлчилгээний барилгыг барихаар төлөвлөсөн.
Баянхошуу ногоон орон сууцны эхний ээлжийн 110 айлын дөрвөн блок орон сууцыг улсын комисст хүлээлгэн өгсөн. Харин B13-1 талбарт баригдаж буй 150 айлын дөрвөн блок орон сууцны барилгын ажлын явц 86 хувийн гүйцэтгэлтэй байна. B13-2 талбарт баригдаж буй 76 айлын хоёр блок орон сууцны барилгын ажил 58 хувийн явцтай үргэлжилж байна. Мөн 126 айлын гурван блок орон сууцны ажлын зураг төсөв 90 орчим хувьтай байна.
Тус орон сууц нь эрчим хүчний хэмнэлттэй ногоон орон сууц гэдгээрээ онцлогтой бөгөөд 2-3 өрөөний сонголттой. Барилгын ухаалаг удирдлагын SCADA системтэй, ашиглалтын зардлыг 20 хувиар бууруулах зорилготой, олон улсын ногоон барилгын EDGE гэрчилгээ авсан анхны орон сууц юм.
Мөн гурван төрлийн хүлэмжтэй бөгөөд оршин суугчид хүлэмжээ түрээслээд нарийн ногоо тарих боломжтой. Түүнчлэн угаалгын өрөөний угаалтуур болон шүршүүрийн усаа цэвэршүүлэн 00 суултууртаа хэрэглэх юм. Айл бүр дотроо дулааны тоолууртай, халаалтаа тохируулдаг бөгөөд ус хэмнэлтийн шийдлүүдтэй, байрнууд нь дээвэр дээрээ нарны зайн хураагууртай гэдгээрээ онцлогтой. 
Шархад дэд төвийг нийт 5.4 га газарт барина. Тус төвийн S27-5 талбарын эхний ээлжийн 110 өрхийн ногоон орон сууцны барилга угсралтын ажлын явц 99 хувийн гүйцэтгэлтэй байгаа бөгөөд улсын комисст 2026 оны зургаадугаар сарын 15-ны өдрийн дотор хүлээлгэн өгөхөөр ажиллаж байна. Инженерийн шугам сүлжээ, барилга байгууламжийн ажлын явц 100 хувьтай байна.
Шархад дэд төвд 2024 оны долоодугаар сараас эхэлсэн S27-2 талбарт баригдаж буй 152 өрхийн барилга угсралтын ажил 75 хувийн гүйцэтгэлтэй, 2025 оны гуравдугаар сараас эхэлсэн 76 өрхийн ногоон орон сууцны барилга угсралтын ажил 52.6 хувийн гүйцэтгэлтэй байна.
]]> zulaa Tue, 23 Jun 2026 14:34:58 +0800 Б.Наранбадрах: Монгол Улс дэлхийн адууны төв болно http://songino.nutag.mn/index.php?newsid=3342 http://songino.nutag.mn/index.php?newsid=3342
“Зууны мэдээ” сонин салбар салбарын тэргүүлэгчид, шинийг санаачлагчдыг “Leaderships forum” буландаа урьж, Монгол Улсын хөгжлийн гарц, боломжийн талаар ярилцаж тэдний сонирхолтой шийдэл, санаануудыг уншигчдадаа хүргэдэг билээ. Энэ удаад “Монгол адууны диваажин” хөтөлбөрийг санаачлагч Б.Наранбадрахыг урьж, ярилцлаа.
 

“Дэлхийн дахинд морин эмчилгээ трэнд болж байна”


Блиц:

-Эдийн засагч, түүхч мэргэжилтэй.
-Хүмүүнлэгийн Ухааны их сургуульд Бизнесийн менежмент чиглэлээр магистрын зэрэг хамгаалсан.
-Мэдээлэл технологийн салбарт 2016 он хүртэл ажиллахдаа Ухаалаг Улаанбаатар, E-Mongolia, Төрийн үйлчилгээний нэгдсэн систем зэрэг Монгол Улсын цахим шилжилтэд хувь нэмрээ оруулсан.
-2018 оноос Адууны асрамжийн газар байгуулан гэмтсэн, дайруулсан адууг эмчилж, адуугаар дамжуулан хийдэг морин эмчилгээг аутизм, донтолт зэрэг сэтгэл заслын эмчилгээг Монгол Улсад хөгжүүлж байна. 
-2021 оноос 3000 Малчны "Монгол адууны диваажин " хөдөлгөөний тэргүүнээр ажиллаж, “Ногоон малчны найман бодлого”-ыг боловсруулан НҮБ-ын "Тогтвортой хөгжлийн манлайлагч " шагнал хүртсэн.
-2026 оноос Монгол улсын Ерөнхийлөгч У.Хүрэлсүхийн адууны бодлогын ажлын хэсгийн нарийн бичиг, Монгол Улсын Ерөнхий сайд Н.Учралын зөвлөхөөр ажиллаж байна.
-“Монгол адууны диваажин” бол 3000 малчныг эгнээндээ нэгтгэсэн томоохон хөдөлгөөн юм. Швейцарын хөгжлийн “Ногоон алт” төслийн судалгаагаар, Монгол Улсад жил бүр 31-59 мянган иргэн хөдөөгөөс хот руу нүүдэллэдэг, тус судалгаанд хамрагдсан иргэдийн 37 хувь нь малын хулгай, түүнээс үүдэлтэй эрсдэлийн улмаас шилждэг гэсэн байна. 

Өнөөдөр улсын хэмжээнд гарч буй малын хулгайн гэмт хэргийн 54 хувийг дангаараа адууны хулгай эзэлдэг бөгөөд хот руу чиглэсэн нийт нүүдлийн 17-18 хувийг нь эзэлж байгаа юм. Тийм учраас адууны талаар төрөөс баримтлах бие даасан бодлого зайлшгүй байх ёстой гэж үзэн, анх “Адууны диваажин” ТББ-ыг байгуулж байсан.  

Анх буян үйлдэх үүднээс бойны газраас адуу худалдаж авснаар энэ ажил эхэлсэн байдаг. Нэрийн тухайд гадаадын орнуудад байдаг “Horse stable” буюу аврах төвүүдээс санаа авч нэрлэсэн. Одоогоор манай асрамжийн газар таван азарга адуу буюу 150 гаруй адуу байна. Байгууллагын үйл ажиллагаа зөвхөн адууны асуудлаар хязгаарлагдахаа больж, малчдын ногоон найман бодлого болон өргөжөөд байна.   Хүн ер нь өөрт хэрэгтэй, ашиг тустай гэж үзсэн зүйлээ л үнэ цэнтэй гэж хүлээж авдаг. Өнөөдөр манай нийгэмд адууг зөвхөн уяачид уяж уралдуулдаг, морь унахыг хүсвэл хотын ойролцоох уналгын газарт очоод хөлслөөд уначихдаг болсон. Гэтэл дэлхий дахинд өөрийн гэсэн морьтой байж, түүнтэйгээ сэтгэл зүйгээрээ нөхөрлөх замаар морин эмчилгээ хүчтэй түрэн орж ирж байна. Тиймээс бидэнд араас нь дагаж гүйх үү, амдаж гүйх үү гэдэг сонголт байгаа. Өнөөдөр сэтгэл гутрал, дэлгэцийн донтолт, тархины харвалт болон саажилтын дараах нөхөн сэргээх эмчилгээнд хамгийн үр дүнтэй эмчилгээ нь морин эмчилгээ болоод байгаа.

Малчид эрүүл мэндийн аялал жуулчлалын үйлчилгээг хөгжүүлэх боломжтой

сонин mn
-Шинжлэх ухаан сүүлийн үед маш идэвхтэй судалж байгаа. Олон улсад морин эмчилгээний өртөг, цаг нь маш өндөр байдаг. Жишээлбэл Японы Окинава дахь морины төвд ердөө хоёр өдрийн морин эмчилгээнд хамрагдахад 125 мянган иен буюу ойролцоогоор гурван сая 370 мянган төгрөгийн үнэтэй. 

Хамгийн сонирхолтой нь манай улсын баячууд ч тийшээ зорьж очдог. Европт гэхэд нэг цагийн морин эмчилгээний үнэ 80-120 ам.доллар байдаг. 

Мориор дамжуулж хүнийг анагаадаг олон улсын “Морин заслын эмчилгээ, судалгаа, сургалтын төв”-ийг Монголд байгуулах үүрэг бүхий баг Эрүүл мэндийн яам дээр албан ёсоор томилогдон ажиллаж байгаа. Дэлхийн адууны өдрөөр Япон, Англи, Швейцар, Швед, Өмнөд Африк, Аргентин, Герман, Франц зэрэг орнуудаас мэргэжлийн түвшинд хамгийн өндөр үр дүн гаргаж, амжилттай ажиллаж буй морин засалчид ирнэ. Энэ үеэр холбогдох сургалт үйлчилгээнүүд явагдах бөгөөд малчдын ногоон найман бодлого хөтөлбөрийн хүрээнд тусгайлан чадваржуулж бэлдсэн малчдыг бий болгоно. Сургалтад хамрагдаж бэлтгэгдсэн малчид цаашид гэрийнхээ гадаа эрүүл мэндийн аялал жуулчлалын үйлчилгээг бие даан эрхлэн явуулах боломж бүрдэнэ.

“Тулгын гурван чулууны зөвхөн нэгийг л хөгжүүлж байна”

-Монголчуудын морь эдлэх өв соёлыг бүхэлд нь авч үзэхийн тулд тулгын гурван чулуу мэт салшгүй гурван зүйл бий. Энэхүү гурван соёлыг нэгдмэл байдлаар нь харж чадвал морин соёлын жинхэнэ үнэ цэнийг бүрэн ойлгож эхэлнэ.

Нэгдүгээрт, морийг уяж сойх, уралдуулах соёл. 

Хоёрдугаарт, хүүхдийг мориор дамжуулж хүмүүжүүлэх соёл. Манай ард түмний уламжлалт хэллэгт нэг сайн эр хүн гурван адууны настай гэсэн гүн гүнзгий утгатай яриа байдаг. 

Гуравдугаарт, дайны морийг бэлдэг соёл энэ гурав нийлж байж монголын морин соёлын цогц ухааныг бий болгодог. Гэтэл өнөөдөр бид тулгын гурван чулууны зөвхөн нэгийг нь буюу уралдуулах соёлыг мэдээд бусдыг орхигдуулаад байгаа. Нэг чулуун дээр тогоо тавихаар холбироод уначихдаг шиг морин соёлоо ганцхан талаас нь харж хөгжүүлэх нь дутагдалтай байна. Монгол адуу нь дэлхийн бусад адуутай харьцуулахад хагас зэрлэг гэж албан ёсоор нэрлэгддэг. Жилийн дөрвөн улиралд бэлчээрээр маллагдаж, байгальтайгаа ойр амьдардаг учраас зэрлэг амьтны зөн совин, төрөлхийн инстинкт нь маш өндөр түвшинд байдаг. Тэр ч утгаараа нутаг усаа тэмцэн гүйх, эх орны хүйн холбоо совин бусад адуунаас илүү байдаг.

Монгол Улсын Ерөнхийлөгчид танилцуулсан “Малчдын ногоон найман бодлого”-ын нэг бодлого “Адуу брэнд” хөтөлбөр юм. Хууль зүй, дотоод хэргийн яамны хэлэлцээрээр Вьетнамд улсад 100 гаруй монгол адууг өгсөн.

Хоёр улсын Ерөнхийлөгч нарын дунд монгол морьдыг нутаг буцаах тухай хэлэлцээр өрнөж, сүүлийн гурван жилийн турш маш идэвхтэй яригдсаар 2026 оны нэгдүгээр сарын 9-ний өдөр Ерөнхийлөгчийн захирамжаар гарсан. Түүгээр долоон ажлын хэсэг байгуулагдсаны нэг нь энэхүү монгол адуугаа эх оронд нь авчрах ажлын хэсэг юм. Үүний цаана монголчууддаа адууны үнэлэмжийн талаарх маш том ойлголтыг өгөх зорилго агуулагдаж байгаа. Монгол адуу бол монгол цэргийн адил энхийг сахиулах, улс орноо сурталчлах үйл ажиллагаанд зүтгэж, эх орныхоо төлөө цэргийн цолтой үүрэг гүйцэтгэдэг. Өдгөө Вьетнамд байгаа монгол морьд хар тамхины гэмт хэрэгтэй тэмцэх ажилд хүртэл хамтран зүтгэж, тусгай цэргийн сургуулилалттай албаны морьд болсон. Тэндээс 20 адууг авчрах асуудал яригдахад төрөөс төсвийн хөрөнгөөр санхүүжүүлэх боломжгүй гэх чиглэл өгсөн ч Вьетнамын нэгэн хувийн компани өөрийн хөрөнгөөр эх оронд нь буцаах тээврийн зардлыг бүрэн даахаар болоод байна.

“Урт хугацаандаа 1.8 сая гаруй адууг эзэнжүүлэх зорилготой байна”

-НҮБ-ээс Олон улсын адууны өдрийг тэмдэглэх түүхэн тогтоол гаргуулсан нь манай улсын хувьд дэлхийн хэмжээнд явуулах томоохон алхмуудын нэг билээ. Гол санаа нь Монголыг дэлхийн адууны төв болгох явдал юм. Энэ хүрээнд зохион байгуулагдах 10 мянган морьтны парад бол нийтийн анхаарлыг татахуйц маш том шоу буюу баяр наадмын томоохон үйл ажиллагаа.

Гаднын жуулчид, моринд хайртай хүмүүс Монголд ирж энэхүү парадад оролцохоороо өөрийн гэсэн морийг унах шаардлагатай болно. Үүний тулд бид тэдэнд морийг худалдаж авах эсвэл түрээсэлж унах гэсэн хоёр боломжийг олгож байгаа юм.

Худалдаж авсан иргэд морио хил давуулаад аваад явах боломжгүй учраас Монголын малчдад сар бүр тодорхой хэмжээний хөлс төлж, морио маллуулах харилцаа үүснэ. Энэ нь эргээд малчдын маань орлогыг нэмэгдүүлэх маш том хөшүүрэг болох юм. Дэлхийн адууны өдрийн арга хэмжээнд олон улсын өндөр түвшний 50 гаруй зочид оролцохоор байгаа.

Тухайлбал, дэлхийн 15 улсын соёл, спортын болон бусад чиглэлийн сайд нар, мөн Дэлхийн үндэсний спортын холбооны тэргүүн, “Physical Asia” шоуны зургаан улсын долоон оролцогч гэр бүлийн хамт оролцоно. 

Дэлхий дахинд морьтой холбоотой үйл ажиллагаа эрхэлдэг, моринд хайртай 200 сая гаруй морьтон бий гэсэн тооцоо байдаг. Эдгээр хүмүүс манай улсын аялал жуулчлалын салбарын маш том зорилтот бүлэг сегмент юм. Бид энэхүү баялгийнхаа нөөц бололцоонд тулгуурлан “Нэг морь- Нэг эзэн” хөтөлбөрийг хэрэгжүүлж, урт хугацаандаа 1.8 сая гаруй адууг эзэнжүүлэх зорилготой байгаа. Энэ нь малчдыг тогтмол орлогоор хангах хамгийн том шийдэл юм.

“Цөөн чанартай малтай айл жилд 200 сая төгрөгийн орлого олж болно”

-Цаашлаад дэлхийн адууны өдөр гаднын хүмүүсийн заавал ирж үзэхийг хүсдэг, олон улсын хэмжээний маш том уламжлалт фестиваль болон хөгжих юм. Мөн Монгол Улс дэлхийн адууны төв болох бүрэн боломжтой. Миний хувьд Малчдын ногоон найман бодлогоороо 2022 оны есдүгээр сарын 13-ны өдөр НҮБ-ээс –“Тогтвортой хөгжлийн манлайлагч” шагналыг хүртсэн. Үүний дараа Монгол Улсын Ерөнхийлөгч биднийг хүлээн авч уулзан, тус бодлогыг бүрэн дэмжих, Ерөнхийлөгчийн ивээл доор 2022 оноос хойш амжилттай хэрэгжүүлж байна.

Бид мал сүргийн тооны хойноос биш чанарт шилжүүлэх цөөн чанартай малтай айл жилд 200 сая төгрөгийн орлого олох бүрэн боломжтой эсэхийг судлан, сүүлийн жилүүдэд зарим аймаг, суманд туршилтуудыг амжилттай хийлээ.

Малчдын ногоон найман бодлогыг багцлан дурдвал, Нэгт малыг чанаржуулах, цөөн малаас өндөр ашиг шим авах бодлого. Хоёрдугаарт тавлаг мал сүрэг буюу улс орны хаана ч байсан бэлчээрийн даац, байгальдаа тохирсон мал сүргийн толгой тооны зохистой бүтцийг бий болгох. Гуравдугаарт Адуу брэнд буюу Монгол Улсыг дэлхийн адууны төв болгох. Дөрөвдүгээрт малчин өрх жуулчин хөтөлбөр, тавдугаарт малчин өрхийг чадавхжуулах, багийн сургууль байгуулах, зургаа ба долоо хоёр хоорондоо нягт холбоотой ачаа тээвэр болон цахим дэд бүтэц бид малчдын гар дээрээс хүргэлтээр цагаан идээ махаа авах, наймдугаарт зүрх сэтгэлийн боловсрол олгох монгол хүн хөтөлбөр юм.
 


Т.БАТЦЭЦЭГ
Эх сурвалж: “Зууны мэдээ” сонин
]]> zulaa Mon, 22 Jun 2026 13:36:16 +0800 Үржлийн 19 толгой үхрийг өөртөө болон бусдад давуу байдлаар олгожээ http://songino.nutag.mn/index.php?newsid=3341 http://songino.nutag.mn/index.php?newsid=3341
АТГ өнгөрсөн долоо хоногт буюу зургаадугаар сарын 8-14-ний хооронд гэмт хэргийн шинжтэй 130 өргөдөл, гомдол хүлээн авч шалгажээ. Үүнээс 23-т нь хэрэг бүртгэлтийн хэрэг нээх, 21-т нь хэрэг нээхээс татгалзах саналтайгаар прокурорт шилжүүлсэн бол 86 гомдлыг үргэлжлүүлэн шалгаж байна.
Мөн мөрдөн байцаалтын шатанд байгаа 1030 эрүүгийн хэргээс 16-г нь шүүхэд шилжүүлэх, 23-ыг нь хаах, нэг хэргийг харьяаллын дагуу шилжүүлэх саналтайгаар прокурорт хүргүүлжээ. Одоогоор АТГ-ын мөрдөн шалгах ажиллагаанд 988 хэрэг шалгагдаж байна.
Шүүхэд шилжүүлэх саналтай хүргүүлсэн хэргүүдийн дунд төрийн үйлчилгээний байгууллагын удирдах албан тушаалтан ажлын хэсгийн даргаар ажиллахдаа бусадтай хамтран үржлийн 19 толгой үхрийг өөртөө болон бусдад давуу байдлаар олгосон хэрэг багтжээ. Ингэснээр хувийн ашиг сонирхлоо хангаж, улсад 221.9 сая төгрөгийн хохирол учруулсан гэж үзсэн байна.
Түүнчлэн олон удаагийн худалдан авалтын үеэр өөртэй нь хамаарал бүхий аж ахуйн нэгжүүдэд давуу байдал олгосон байж болзошгүй үйлдлийг мөн мөрдөн шалгаж, хэргийг прокурорын байгууллагад шилжүүлжээ.
]]> zulaa Thu, 18 Jun 2026 17:29:14 +0800 Хэвлэл мэдээллийн хэрэгслийг ₮20 саяар торгуулсан гэх ХЭҮК-ын хэлтсийн дарга С.Ганзоригт сахилгын шийтгэл ногдуулахаар болжээ http://songino.nutag.mn/index.php?newsid=3340 http://songino.nutag.mn/index.php?newsid=3340
“Цемент шохой” ТӨХК-ийн Стратеги төлөвлөлт, бизнес хөгжлийн газрын дарга Н.Ганхуяг "миний зургийг зөвшөөрөлгүй олон нийтэд нийтлэн тараасан" гэх гомдлыг Хүний Эрхийн Үндэсний Комисс (ХЭҮК)-т энэ оны хоёрдугаар сард гаргажээ.
ХЭҮК тус гомдлыг хуулийн байгууллагад шилжүүлж, улмаар нэр бүхий хэвлэл мэдээллийн байгууллагыг 20 сая төгрөгөөр торгосон асуудал гарсан. Тэгвэл өнөөдөр уг асуудлаар гаргасан гомдлыг хууль, журмын дагуу шалгах ажиллагаа явуулсан эсэхэд хийсэн дотоод хяналт, шалгалтын дүгнэлтийг өнөөдөр танилцууллаа.
ХЭҮК-ын Тамгын газрын дарга Т.Ихтамир "Олон нийтийн цахим сүлжээгээр энэ оны зургаадугаар сарын 9-ний өдөр ХЭҮК-ын хүний хувийн мэдээлэл хамгаалах хэлтсийн даргын албан үүргийг түр орлон гүйцэтгэгч С.Ганзориг нь иргэн Ганхуягийн зураг хүний биометрик мэдээлэл болох тул мэдээллийн эзний зөвшөөрөлгүйгээр түүний зургийг зөв.мн сайт дээр нийтэлсэн гэх албан бичгийг Сүхбаатар дүүргийн нэгдүгээр хэлтэст шилжүүлсэн. Улмаар цагдаагийн байгууллагаас тус сайтыг Зөрчлийн тухай хуулиар 20 сая төгрөгөөр торгосон гэх мэдээлэл түгээгдсэн. 
Н.Ганхуягаас ирүүлсэн гомдолд тухайн үед шалгах ажиллагаа явуулж, хяналт тавьж ажилласан ХЭҮК-ын хүний хувийн мэдээлэл хамгаалах хэлтсийн дарга Ганзориг гомдол шалгах ажиллагааг явуулахдаа комиссын гишүүнээс өгсөн үүрэг чиглэлийн дагуу гүйцэтгээгүй. Холбогдох хууль журмыг зөрсөн болох нь тогтоогдож байна. 
Тодруулбал Хүний эрхийн үндэсний комиссын тухай хуульд зааснаар гомдол мэдээлэл нь эрүү, зөрчлийн шинжтэй гэж үзвэл харьяаллын дагуу холбогдох байгууллага албан тушаалтанд шилжүүлэх нь комиссын гишүүний хуулиар олгогдсон бүрэн эрхэд хамаардаг. 
Хүний хувийн мэдээлэл хамгаалах хэлтсийн дарга С.Ганзориг нь ХЭҮК-ын гишүүн Нарантуяагаас гомдлыг хүний эрхийн зөрчил, хувийн мэдээлэл хамгаалах тухай хуулийн зөрчил эсэхэд дүн шинжилгээ хийж, танилцуулга хийх чиглэлийг энэ оны хоёрдугаар сарын 9-ний өдөр өгсөн. Энэ чиглэлийн дагуу гомдол шийдвэрлэх ажиллагааг хэрхэн явуулсан явц болон өгсөн чиглэл удирдамжийг зөрчин гомдлыг Сүхбаатар дүүргийн цагдаагийн нэгдүгээр хэлтэст шилжүүлсэн нь хууль журмын заалтыг ноцтой зөрчсөн байна. Н.Ганхуягаас ирүүлсэн гомдлын мөрөөр холбогдох баримт мэдээллийг тал бүрээс нь бүрэн дүүрэн нягтлан хянаагүй.
Н.Ганхуяг гомдолдоо "Миний бие “Цемент шохой” ТӨХК-ийн Стратеги төлөвлөлт, бизнес хөгжлийн газрын даргаар ажилладаг" гэж тодорхой бичсэн. Түүний албан тушаал нь Авлигын эсрэг хуулийн 4.1.3-д заасан нийтийн албан тушаалд хамаардаг.
Хүний хувийн мэдээлэл хамгаалах хэлтсийн дарга С.Ганзоригт сахилгын шийтгэл ногдуулах саналыг ирүүлсэн. Хууль журамд заасны дагуу С.Ганзоригийн зөрчлийн шинж байдлыг харгалзан төрийн албанаас халах сахилгын шийтгэл ногдуулахаар сонсох ажиллагаа явуулж байна. Төрийн албанаас халах сахилгын шийтгэл ногдуулахаар мэдэгдэл өгсөн. Тайлбар авсны дараа тушаалаар албажуулна" гэв.
]]> zulaa Tue, 16 Jun 2026 13:12:11 +0800 "Үнэгүй хүүхдийн зуслан..." http://songino.nutag.mn/index.php?newsid=3338 http://songino.nutag.mn/index.php?newsid=3338
Төр "Найрамдал" зуслангаа яая гэж байж нийслэл дахин нэг "ТӨРИЙН ЗУСЛАН" барих нь. Хөвсгөл далай дээр бас нэг ОУ-ын хүүхдийн зуслан шав тавиад цай, хадаг булчихсан байдаг...
Энэ зуслан төрийнх болсон хойно төрөхөөсөө үхэх хүртлээ авлигалд идэгдэх болно.
ТЭЗҮ-гээсээ төмс хүртэл, даргаасаа давс хүртэл, үйлчлэгчээсээ үзэмний шүүс хүртэл, махнаасаа манаач хүртэл атом, молекул бүхэнд нь авлигал, арын хаалга шингэсэн байх болно. Танилтайсан бол энэ зуслангийн жорлонгийн цаасыг нь ч болтугай нийлүүлчих юмсан.
1000 хүүхдийн бөгс, жилийн 365 хоног арчигдана гэхээр мөнгө гэдэг чинь ёстой л кассэт шиг хөврөх нь байна шүү дээ, төсвөөр урс...
 Монголын сайд, дарга, УИХ-ын гишүүдийн хувьд хүүхэд бол арааны шүлс асгарам гоё бизнес, асар их мөнгө...Хүүхдийн нэрийг бариад явахад хэн үгүй гэх юм...
 
- БИ...
 
"Хүүхдийн сайн сайхны төлөө" нэртэй шахаа төрөөр дүүрэн байна. Монгол Улс 1 сая хүүхэдтэй. Нэг хүүхдэд 1000 төгрөгний "юм" төрийн нэрээр цор ганц удаа шахахад л тэрбумтан болно.
Ийм учраас Монголын төр хүүхдүүддээ маш их "хайртай" байдаг юм.
 
Төр хүүхдүүддээ хайртай боловч төрүүлсэн эцэг, эхчүүдэд нь даанч хайргүй дээ. Хүүхдийг нь хайрлах даа аав, ээжүүдийг нь татвараар гамгүй дээрэмдэнэ.
- Харав уу, эцэг эх чинь чамд мөнгө өгөхгүй байхад муу төр чинь чамд сар бүр чихэрний мөнгө өгч байна...
- Өлсөх вий дээ гээд үдийн хоол "үнэгүй" өгч байна...
- Өндөөр болоорой гээд үнээний хуурай сүү уулгаж байна...
Одоо үнэгүй зусланд амраах гэж байна шүү дээ, ах нь...
 
Үнэтэй юманд дургүй төр маань хүүхдийн зуслангийнхаа үнийг хамгийн багаар тогтоох нь мэдээж. Эндээс оочир дараалал гэдэг чинь орчлонгоор нэг юм болно.
Эхлээд хурган дарга нарын хүүхдүүд амрана. Мэдээж томчууд, сайд, УИХ-ын гишүүдийн маань хүүхдүүд улсын нэртэй улны зусланд амрахгүй шүү дээ. Гэх мэтээр урвуу мерит зарчмаар явсаар хэсгийн ахлагчдын ач, зээ нар амрана.
 
- Миний дүүгийн оочир 5 жилийн дараа юм байна.
- Төр засаг минь 3 жилийн дараа би хүүхэд биш болчихно шүү дээ...
Эндээс төрийн зуслангийн почоонк тэнгэрийн умдаг болж авлигал гэдэг зүйл чинь атгадаг гар нь болно шүү дээ.
...Ай төр засаг минь чи авлигалд цадах болоогүй юу...
 
Төрийн зуслан болсон хойно "төрийн түшээд"-ийн л зуслан болно.
126 маань 1000 почоонкны хэдийг нь аймаг, дүүрэг, сум, тойрогтоо үнэгүй тараах бол. Гэснээс зөвхөн хотын хүүхдүүд л амрах юм болов уу. Төр засаг маань хүүхдүүдээ хот, хөдөөгөөр нь ялгах муухай юм даа. Ялангуяа хүний эрх, тэгш эрхийн мэдрэмжтэй хүмүүс байж. Сонгуулийн царцаа гэдэг шиг зун бүр "бяцхан царцааны нүүдэл"-тэй болчих вий дээ.
Нийслэлийн өмч болохоор Иргэдийн төлөөлөгч 45-д маань бас хэдэн почоонк ногдох бол. Дүүрэг бүрт бас хэдэн почоонкны квот тогтоох бол. Урлаг, спорт, сурлагаар манлайлсан, өнчин өрөөсөн, өрөөл татуу хүүхдүүдэд "Үнэгүй амрах эрхийн бичиг" болж хэд нь очих бол...
 
Өө хөөрхий ингэсээр ер нь энэ зусланд мөнгө төлж амрах хүүхэд олдох нь уу, та минь ээ. Цаана нь 1000 хүүхдийн зардал, 100 багшийн цалин, 100 ажилчдын НДШ, ус, халаалт, тог, урсгал зардал дээрээс нь улстөрчдийнхөө шахааг хэн нь төлөх вэ, хүмүүс ээ...
 
Эцсийн эцэст хүүхэдгүй хүмүүс, хүүхдүүд нь томорсон хүмүүс, хүүхэд нь энэ зусланд хамрагдаж чадахгүй хүмүүс л бусдын хүүхдийн амралтын мөнгийг төлнө.
Ганц хүүхдээ энэ зусланд 7 хоног амраахын тулд, эсвэл танай хүүхэд энэ зусланд амрахгүй байсан ч та бусдын хүүхдүүдийн амралтын мөнгийг татвараараа насаараа төлнө гэсэн үг.
Учир нь энэ бол таны хүүхдийн зуслан биш "ТӨРИЙН ХҮҮХДИЙН ЗУСЛАН"...
 
Сэтгүүлч Ч.Явуухүү

]]> zulaa Tue, 02 Jun 2026 15:47:57 +0800 Өөртөө давуу байдал бий болгосон авилгын хэргүүдийг шүүхэд шилжүүлжээ http://songino.nutag.mn/index.php?newsid=3337 http://songino.nutag.mn/index.php?newsid=3337
Нийслэлийн прокурорын газраас 2026 оны 5 дугаар сарын 18-22-ны өдрүүдэд яллах дүгнэлт үйлдэж шүүхэд шилжүүлсэн хэргээс тоймлон хүргэж байна.

- Х.Д нь ... аймгийн ... сумын төрийн сангийн төлөөлөгчөөр ажиллаж байхдаа Төрийн худалдан авах ажиллагааны газраас зохион байгуулдаг, мэргэшсэн ажилтан бэлтгэх сургалтад зохих журмын дагуу хамрагдалгүй, шалгалтад тэнцсэн мэтээр гэрчилгээг гаргуулан авч, улмаар худалдан авах ажиллагааны үнэлгээний хорооны гишүүнээр ажиллаж, өөртөө давуу байдал бий болгохын тулд Төрийн өмчийн бодлого, зохицуулалтын газрын мэргэжилтэнд хахууль өгсөн хэрэгт Эрүүгийн хуулийн 22.5 дугаар зүйлийн 2 дахь хэсэг (Хахууль өгөх)-т зааснаар яллах дүгнэлт үйлдэж, Эрүү, иргэний хэргийн хялбар ажиллагааны анхан шатны тойргийн шүүхэд;

- Д.Ө нь ... дүүргийн тохижилт үйлчилгээ ОНӨААТҮГ-ын захирлаар ажиллаж байхдаа, албан үүрэг, бүрэн эрх, албан тушаалын байдлаа урвуулан ашиглаж, Хөдөлмөрийн дотоод журмыг зөрчиж, захирлын дэргэдэх зөвлөлийн хурлын шийдвэргүйгээр өөртөө 8 сая төгрөгийн буцалтгүй тусламж олгох тушаал гаргаж, өөртөө эдийн засгийн давуу байдал бий болгосон, мөн Г.Ш-ийг авто баазад жолоочоор томилж, 2025 оны 5 дугаар сараас 2025 оны 12 дугаар сарын 31-ний өдрийг хүртэлх хугацаанд ажиллаагүй байхад нь 21 сая төгрөгийн цалин олгож, бусдад эдийн засгийн давуу байдал бий болгосон хэрэгт Эрүүгийн хуулийн 22.1 дүгээр зүйлийн 1 дэх хэсэг (Эрх мэдэл, албан тушаалын байдлаа урвуулан ашиглах)-т зааснаар яллах дүгнэлт үйлдэж, Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны тойргийн шүүхэд;

- А.Ж нь ... амаржих газрын даргаар ажиллаж байхдаа Удирдах зөвлөлийн 2018.10.09-ний өдрийн №15 хуралд “харьяаллын бус төрсөн эхчүүдээс тус бүр 150,000 төгрөгийн төлбөр авч, байгууллагын 60 жилийн ойд зарцуулах” саналыг гарган дэмжүүлж, улмаар 2018-2021 оны 10 дугаар сар хүртэлх хугацаанд харьяаллын бусаар төрөх эхчүүдээс өргөдөл, хүсэлт гаргуулан 150,000 төгрөгийн төлбөр авах хууль бус үүргийг бусдад өгч, нийт 65 сая төгрөгийг төвлөрүүлэн бэлнээр хүлээн авч, өөртөө давуу байдал бий болгосон хэрэгт Эрүүгийн хуулийн хуулийн 22.1 дүгээр зүйлийн 1 дэх хэсэг (Эрх мэдэл, албан тушаалын байдлаа урвуулан ашиглах)-т зааснаар яллах дүгнэлт үйлдэж, Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны тойргийн шүүхэд;

Мансууруулах эм, сэтгэцэд нөлөөт бодисыг улсын хилээр хууль бусаар нэвтрүүлсэн хэргийг шүүхэд шилжүүллээ

- М.Ч нь Б.У-тай бүлэглэн Бүгд Найрамдах Турк Улсаас НҮБ-ын 1971 оны Сэтгэцэд нөлөөлөх бодисын тухай конвенцийн II жагсаалтад багтсан метамфетамины агууламжтай, “мөс” гэх нэршилтэй сэтгэцэд нөлөөт бодисыг эд зүйл дотор нуун, олон улсын илгээмжээр улсын хил нэвтрүүлсэн, улмаар М.Ч нь Б.Т-тэй бүлэглэн бусдад худалдаалах зорилгоор ... аймаг руу хууль бусаар тээвэрлэсэн, хадгалсан хэрэгт,

мөн М.Ч нь дээрх хэрэгт цагдаагийн байгууллагад шалгагдаж байхдаа, оргон зайлж, бусдын гадаад пастортыг ашиглан хууль бусаар Монгол Улсын хилээр нэвтэрсэн хэрэгт Эрүүгийн хуулийн 20.7 дугаар зүйлийн 2 дахь хэсэг (Мансууруулах эм, сэтгэцэд нөлөөт бодисыг хууль бусаар ашиглах), Эрүүгийн хуулийн 19.14 дүгээр зүйлийн 1 дэх хэсэг (Монгол Улсын хилийг хууль бусаар нэвтрэх)-т зааснаар яллах дүгнэлт үйлдэж Дархан-Уул аймаг дахь Сум дундын анхан шатны шүүхэд;

- Г.С нь НҮБ-ын 1971 оны Сэтгэцэд нөлөөлөх бодисын тухай конвенцийн II жагсаалтад багтсан, дельта-9 тетрагидроканнабинолын агууламжтай, “өвс” гэх нэршилтэй сэтгэцэд нөлөөт бодисыг худалдаалах зорилгогүйгээр хууль бусаар түүж бэлтгэсэн, хадгалсан хэрэгт Эрүүгийн хуулийн 20.7 дугаар зүйлийн 1 дэх хэсэг (Мансууруулах эм, сэтгэцэд нөлөөт бодисыг хууль бусаар ашиглах)-т зааснаар яллах дүгнэлт үйлдэж, Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны тойргийн шүүхэд;

- Э.У нь НҮБ-ын 1971 оны Сэтгэцэд нөлөөлөх бодисын тухай конвенцийн II жагсаалтад багтсан, дельта-9 тетрагидроканнабинолын агууламжтай, хориглосон сэтгэцэд нөлөөт ургамлыг худалдаалах зорилгогүйгээр хууль бусаар түүж бэлтгэсэн, хадгалсан хэрэгт Эрүүгийн хуулийн 20.7 дугаар зүйлийн 1 дэх хэсэг (Мансууруулах эм, сэтгэцэд нөлөөт бодисыг хууль бусаар ашиглах)-т зааснаар яллах дүгнэлт үйлдэж, Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны тойргийн шүүхэд;

- Г.Б нь НҮБ-ын 1971 оны Сэтгэцэд нөлөөлөх бодисын тухай конвенцийн II жагсаалтад багтсан делта-9 тетрагидроканнабинол агууламжтай, хориглосон сэтгэцэд нөлөөт бодисыг хууль бусаар олж авсан, хадгалсан хэрэгт Эрүүгийн хуулийн 20.7 дугаар зүйлийн 1 дэх хэсэг (Мансууруулах эм, сэтгэцэд нөлөөт бодисыг хууль бусаар ашиглах)-т зааснаар яллах дүгнэлт үйлдэж Баянгол, Хан-Уул, Сонгинохайрхан дүүргийн Эрүүгийн хэргийн анхан шатны тойргийн шүүхэд;

- Б.Г нь НҮБ-ын 1971 оны Сэтгэцэд нөлөөлөх бодисын тухай конвенцийн II жагсаалтад багтсан, "MDMB-4en-PINACA"-ийн агууламж бүхий хориглосон сэтгэцэд нөлөөт бодисыг худалдаалах зорилгогүйгээр хууль бусаар олж авсан, хадгалсан хэрэгт Эрүүгийн хуулийн 20.7 дугаар зүйлийн 1 дэх хэсэг (Мансууруулах эм, сэтгэцэд нөлөөт бодисыг хууль бусаар ашиглах)-т зааснаар яллах дүгнэлт үйлдэж, Баянгол, Хан-Уул, Сонгинохайрхан дүүргийн Эрүүгийн хэргийн анхан шатны тойргийн шүүхэд тус тус шилжүүллээ.

- Б.М нь Монгол Улсын эмийн жагсаалтад бүртгэгдээгүй, хүний эмчилгээнд хэрэглэхийг зөвшөөрөөгүй "Pabloon Gold A” гэх нэршилтэй эмийг гадаад улсаас импортолсон, бусдад худалдахыг завдсан хэрэгт Эрүүгийн хуулийн 20.14 дүгээр зүйлийн 1 дэх хэсэг (Хууль бусаар эм, эмийн түүхий эд, биобэлдмэл, эмнэлгийн хэрэгслийг үйлдвэрлэх-экспортлох, импортлох-ханган нийлүүлэх худалдах)-т зааснаар яллах дүгнэлт үйлдэж Баянзүрх, Сүхбаатар, Чингэлтэй дүүргийн эрүүгийн хэргийн анхан шатны тойргийн шүүхэд;

Иргэн танд:

Прокурорын яллах дүгнэлт нь хэрэг шалгах ажиллагааны явцад хавтаст хэрэгт цугларсан нотлох баримтуудын хүрээнд тухайн иргэний гэм буруугийн асуудлыг шүүхээр хянан шийдвэрлүүлэх тухай прокурорын шийдвэр юм. Гэмт хэрэг үйлдсэн, гэм буруугийн эцсийн шийдвэрийг шүүх гаргах хуулийн зохицуулалттай. 
]]> zulaa Mon, 25 May 2026 16:39:36 +0800 Цаг агаарын урьдчилсан мэдээг сонсож хол замд зорчихыг цагдаагийн байгууллагаас зөвлөж байна http://songino.nutag.mn/index.php?newsid=3336 http://songino.nutag.mn/index.php?newsid=3336
Цаг агаарын нөхцөл байдлын улмаас Баян-Өлгий аймгийн төвөөс Цагааннуур тосгон, Улаанбайшинт чиглэлийн Зээгтийн давааны зам хаагдаж, тээврийн хэрэгслүүд саатсан байна, мөн Ховд, Баян-Өлгий чиглэлийн Бураат, Хашаатын давааны замуудад халтиргаа гулгаа үүссэн байна.
Жолооч Та анхаарал болгоомжтой хөдөлгөөнд оролцох, тээврийн хэрэгслийн бүрэн бүтэн байдлыг хангах, цаг агаарын урьдчилсан мэдээг сонсож холын замд зорчихыг цагдаагийн байгууллагаас зөвлөж байна. 
]]> zulaa Wed, 20 May 2026 17:10:40 +0800