Онцлох - Сонгинохайрхан дүүргийн мэдээ мэдээлэл http://songino.nutag.mn/ ru Онцлох - Сонгинохайрхан дүүргийн мэдээ мэдээлэл DataLife Engine Нэгдүгээр тойрог зам ашиглалтад орсноор нийслэлийн дуу чимээний бохирдол 25.9 хувиар буурна http://songino.nutag.mn/index.php?newsid=3301 http://songino.nutag.mn/index.php?newsid=3301
Монгол Улсын Засгийн газрын 2022 оны 476 дугаар тогтоолоор Улаанбаатар хотод “Шинэ тойрог зам” байгуулах ажлыг баталж, Нэгдүгээр болон Хоёрдугаар тойрог замын төслүүдийг хэрэгжүүлэхээр тусгасан.
Нэгдүгээр тойрог зам төслийг 2026-2028 онд хэрэгжүүлэхээр төлөвлөж байгаа бөгөөд техник, эдийн засгийн үндэслэл /ТЭЗҮ/ бүрэн боловсруулагджээ. Одоогоор зураг төсөл, худалдан авалт болон зам, замын байгууламжийн барилга угсралтын ажлыг санхүүжилтийн хамт хэрэгжүүлэх /EPC+F/ тендерийг 2026 оны 4 дүгээр сарын 23-нд дахин зарлаж 5 дугаар сарын сарын 20-нд нээнэ.
Тус зам нь нийт 24.79 км урттай бөгөөд хотын урд болон хойд бүсийг холбох юм. Газарзүйн онцлогоос шалтгаалан гүүр, туннелийн хосолсон шийдэлтэй байхаар төлөвлөсөн. Мөн туслах зам, нийтийн тээврийн тусгай эгнээ, явган болон дугуйн зам, ногоон байгууламж, инженерийн иж бүрэн шугам сүлжээ бүхий орчин үеийн авто замын сүлжээг байгуулахаар төлөвлөж байна.
Нэгдүгээр тойрог зам ашиглалтад орсноор дуу чимээний бохирдол 25 хувиар буурах бөгөөд хөрсний элэгдлийн хэмжээ 40.2 дахин буурах юм.

Түүнчлэн төсөл хэрэгжсэнээр хотын замын хөдөлгөөний системийн багтаамж 20-25 хувиар нэмэгдэж, иргэдийн зорчих хугацаа 30 хувиар буурах аж. Үүнээс гадна төвийн бүсийн түгжрэл 15-25 хувиар багасаж, зам тээврийн ослын тоо 30 хувиар буурахаар тооцоолжээ.
Иргэдийн амьдрах орчныг сайжруулах, байгаль орчны бохирдлыг бууруулах хүрээнд 256.4 мянган ам метр ногоон байгууламж байгуулахаар төлөвлөсөн бөгөөд энэ нь одоогийн ногоон байгууламжийн хэмжээг 16.6 дахин нэмэгдүүлэх юм.
Мөн авто замын дагуу инженерийн дэд бүтэц, шугам сүлжээ байгуулснаар тухайн бүсүүдэд дахин төлөвлөлт хийх, гэр хорооллыг орон сууцжуулах, барилгажуулах боломж бүрдэхээс гадна хотын төвлөрлийг сааруулах ач холбогдолтой гэж үзэж байна.
Тойрог замуудын гол зорилго нь хотын төв рүү чиглэсэн замын ачааллыг тараах, дагуул бүсүүдийн холболтыг сайжруулах, хөдөлгөөний урсгалыг оновчтой зохион байгуулахад оршиж байна. Дэлхийн олон хотын жишгээр тойрог зам нь түгжрэлийг бууруулах хамгийн эхний бөгөөд томоохон шийдлүүдийн нэг болдог. 
]]> zulaa Mon, 11 May 2026 11:06:59 +0800 Сонгинохайрхан дүүрэг сүүлийн таван жилд эрүүл мэнд, боловсролын салбарт онцгой анхаарчээ http://songino.nutag.mn/index.php?newsid=3300 http://songino.nutag.mn/index.php?newsid=3300
Монгол Улсын Ерөнхийлөгч Ухнаагийн Хүрэлсүхийн дүүргүүдийн иргэдтэй хийж байгаа уулзалт үргэлжилсээр байна. Тэрбээр өнөөдөр Сонгинохайрхан дүүргийн иргэдтэй уулзлаа.
Сонгинохайрхан дүүрэг Ерөнхийлөгчийн санаачилсан “Тэрбум мод”, “Хүнсний хувьсгал”, “Цагаан алт”, ”Эрүүл монгол хүн”, “Илгээлт-2100” зэрэг хөдөлгөөн, хөтөлбөрийг хэрэгжүүлэх ажлын төлөвлөгөөг шат шатны Засаг даргын үйл ажиллагааны хөтөлбөрт тусган ажиллаж байгааг дүүргийн Засаг дарга Ц.Баттөр хэллээ.

Бодлого, үйл ажиллагааг нь дэмжиж, санаачилсан үндэсний хөдөлгөөн, хөтөлбөрийг амжилттай хэрэгжүүлэхэд хувь нэмрээ оруулж байгаа дүүргийн төр, захиргааны болон бусад байгууллага, аж ахуйн нэгж, иргэдэд Ерөнхийлөгч талархал илэрхийллээ.

Тэрбээр төрийн тэргүүнээр сонгогдсоноосоо хойш хийсэн ажил, үндэсний хөдөлгөөнүүдийн хэрэгжилт, гадаад харилцаа, нийгэм, эдийн засгийн байдлын талаар товч танилцууллаа.
Цаашид хүн бүр ажил хөдөлмөр эрхэлж, бүх шатанд ёс зүйг эрхэмлэн, сахилга, хариуцлагатай, эв нэгдэлтэй байх нь улс орны хөгжлийн үндэс суурь гэдгийг хэлж, үүний төлөө хамтран зүтгэхийг уриаллаа.   
сонин mn


Сонгинохайрхан дүүрэг 340 гаруй мянган иргэнтэй бөгөөд энэ нь нийслэлийн нийт хүн амын 23 хувь гэсэн үг юм.
Дүүрэг сүүлийн таван жилд эрүүл мэнд, боловсролын салбартаа онцгой анхаарсан байна. Өнгөрсөн хугацаанд 12 сургууль, 30 цэцэрлэгийг ашиглалтад оруулсан бол энэ жил 4 сургууль хүүхдүүдээ хүлээж авна. Энэ бүхний үр дүнд сургууль, цэцэрлэгийн хамрагдалт 95 хувьд хүрчээ.  
“Ерөнхийлөгчийн илгээлт-2100” хөтөлбөрийн хүрээнд тус дүүргийн 86 хүүхэд гадаадын их, дээд сургуулиудад суралцаж байна.  
“Хүнсний хувьсгал” үндэсний хөдөлгөөний хүрээнд өнгөрсөн онд нэг үйлдвэр ашиглалтад орсон бол 20 хоршоо мах, сүү, цагаан идээ боловсруулах, үржлийн мал бойжуулах, бордох, мах нийлүүлэхээр зээлд хамрагджээ.   

Мөн өвлийн хүлэмж, газар тариалан эрхэлдэг 6 аж ахуйн нэгж 750 сая төгрөгийн эргэлтийн хөрөнгийн зээл авч хүчин чадлаа нэмээд байна.

Малчин өрх болон фермерийн аж ахуй эрхэлж байгаа иргэн, аж ахуйн нэгжийг дэмжсэнээр 407 малчин, мал бүхий өрхүүд 4,4 тн сүүг боловсруулах үйлдвэр, цехэд нийлүүлж, 4,4 тэрбум төгрөгийн урамшуулал авчээ. 

“Тэрбум мод” үндэсний хөдөлгөөний хүрээнд дүүрэг 170 гаруй мянган мод тарьж ургуулсны зэрэгцээ Улаанчулуутын хогийн цэг орчмын 38 га газарт ойн зурвас байгуулсан байна.  

сонин mn


Сонгинохайрхан дүүрэгт нийгмийн болон инженерийн дэд бүтцийн бүтээн байгуулалт ид өрнөж байна.   

Тухайлбал, “Хавдар судлалын үндэсний II төв”-ийн бүтээн байгуулалт эхэлж, “Баянхошуу дэд төв”-ийн ажил дууссан бол “Толгойт дэд төв-ийнх 60 хувьтай, зургаан хороонд гэр хорооллын дахин төлөвлөлт хийн, барилгажуулж байна. Өнгөрсөн онд гэхэд л 185 газрыг чөлөөлөн үерийн далан, цэцэрлэг, сургууль шинээр барьжээ.

сонин mn

Усан спорт сургалтын хоёр төв, хөлбөмбөгийн талбай бүхий спорт цогцолбор, Жишиг нэгдсэн эмнэлэг, Өрхийн эрүүл мэндийн төв, Хүүхдийн амбулатори, “Эрүүл үрс” төв-ийг ашиглалтад оруулсан байна.

Дүүрэг цаашид төвлөрөл, замын түгжрэл багасаж, агаарын бохирдол бууран, иргэдийн амьдрах орчин сайжирсан. Цаашид агаар, орчны бохирдол, замын түгжрэлийг бууруулан, иргэдийн амьдрах орчныг сайжруулж, “20 минутын хот” бодлогын хүрээнд олон төвт дүүрэг болохыг зорьж байгаа тухай дүүргийн удирдлага ярилаа.


сонин mn




Ерөнхийлөгч У.Хүрэлсүх мөн “Очир инвест” ХХК-ийн захирал, хүний их эмч Цэдэнгийн Очирдуламд Хүний гавьяат эмч, “Автобус гуравдугаар бааз”-ын ахмад жолооч Шаравын Төмөр-Очир, “УБТЗ” хувь нийлүүлсэн нийгэмлэгийн Хяналтын албаны ахмад ажилтан Батсүрэнгийн Сүрэнхорлоод Гавьяат тээвэрчин, “Промон трейд” ХХК-ийн ерөнхий захирал Нямдэлэгийн Оюунбатад Аж үйлдвэрийн гавьяат ажилтан, Сонгинохайрхан дүүргийн 18 дугаар хорооны Ахмадын зөвлөлийн дарга, ахмад багш Аюушийн Тийтаад Гавьяат багш, Сонгинохайрхан дүүргийн Засаг даргын Тамгын газрын Дотоод аудитын албаны дарга Долгорын Төмөрбаатарт Үйлчилгээний гавьяат ажилтан цол хүртээж, нэр бүхий эрхмүүдийг төрийн одон, медалиар шагналаа.
]]> zulaa Mon, 11 May 2026 09:33:31 +0800 Гишүүнийг эгүүлэн татах агуулгатай хоёр дахь хуулийг өргөн барилаа http://songino.nutag.mn/index.php?newsid=3299 http://songino.nutag.mn/index.php?newsid=3299
Ерөнхийлөгч У.Хүрэлсүхийн санаачлан, өргөн барьсан УИХ-ын тухай хуульд нэмэлт, өөрчлөлт оруулах тухай хуулийн төслийг парламентаар хэлэлцэх эсэхийг нь дэмжсэн.
Уг хууль нь УИХ-ын гишүүнийг хэд хэдэн үндэслэлээр эгүүлэн татах агуулга бүхий. Өнөөдөр УИХ-ын гишүүн, ИЗНН-ын дарга Б.Батбаатар мөн адил УИХ-ын тухай хуульд нэмэлт, өөрчлөлт оруулах тухай хуулийн төслийг өргөн барилаа.
Заалтын тухайд,
  • Төслийн 1 дүгээр зүйлд Монгол Улсын Их Хурлын тухай хуулийн 9 дүгээр зүйлд “9.1.7.Улсын Их хуралд суудал авсан намын төлөөллийн төв байгууллагаас хувь тэнцүүлэн төлөөлөх аргаар сонгогдсон гишүүнийг эгүүлэн татах шийдвэр гаргасан.” гэсэн зүйл нэмэх,
  • Төслийн 2 дугаар зүйлд Монгол Улсын Их Хурлын 9 дүгээр зүйлийн 9.3 дахь хэсгийн “... 9.3 Монгол Улсын Үндсэн хуулийн цэц гишүүнийг тангаргаасаа няцаж Монгол Улсын Үндсэн хууль зөрчсөн гэсэн дүгнэлт гаргасныг Улсын Их Хурал хүлээн зөвшөөрсөн...” гэсний дараа “,Улсын Их Хуралд суудал авсан намын төлөөллийн төв байгууллагаас хувь тэнцүүлэн төлөөлөх аргаар сонгогдсон гишүүнийг эгүүлэн татах шийдвэр гаргасан” гэж өөрчлөхөөр зохицуулсан байна.
Мөн уг хуулийн төсөлтэй хамт Улс төрийн намын тухай хуулийн 7 дугаар зүйлд нэмэлт оруулах, Монголын Улсын Их Хурлын сонгуулийн тухай хуулийн 77 дугаар зүйлийн 1 дэх хэсэгт өөрчлөлт оруулах тухай хуулийн төслийг боловсруулжээ.
Ийн парламентын гишүүнийг эгүүлэн татах агуулга бүхий хоёр дахь хуулийг парламент дотроос анх удаа өргөн барилаа.
]]> zulaa Fri, 08 May 2026 13:12:47 +0800 БАЙР СУУРЬ: Өндрөө авсан Эпштейнийн файлтай холбоотой асуудлаар хэн, хэн юуг өгүүлэв http://songino.nutag.mn/index.php?newsid=3298 http://songino.nutag.mn/index.php?newsid=3298
Монгол Улс сүүлийн жилүүдэд дэгдсэн хамгийн том дуулианы эзэн бэлгийн мөлжигч Жеффри Эпштейнтэй холбогдчихсон талаар ил болсон нь захидал харилцаанаас тогтоогдсон байдаг. Рио Тинто компанитай хэрхэн харилцах талаар тус улсын Ерөнхийлөгч асан Ц.Элбэгдоржид олон жилийн турш шууд зааварчилгаа өгч байсан нь тодорхой болсон талаар ч манай улсад шуугиан дэгдсэн. Тэгвэл Эпштейнийн файлтай холбоотой асуудал өндрөө авлаа. Өндрөө авсан Эпштейнийн файлтай холбоотой асуудлаар хэн, хэн юуг өгүүлснийг БАЙР СУУРЬ булангаараа хүргэж байна.
“Шилэн данс” ТББ-ын тэргүүн Б.Цогтгэрэл: Ж.Эпштейнтэй холбоотой дуулиан бол зөвхөн нэг хүний гэмт хэргийн асуудал биш.  Харин дэлхийн хэмжээний мөнгө санхүү, улс төр, гэмт хэргийн сүлжээний асуудал болж хувирсан. Билл Гэйтсээс эхлээд АНУ-ын одоогийн ерөнхийлөгч Д.Трамп, Английн хунтайж гээд нөлөө бүхий эрхмүүд энэ хэрэгт ороолцолдсон нь тодорхой боллоо.  Энд үндсэндээ гурван том асуудал харагдаж байна.
Нэгдүгээрт, хүүхдийн бэлгийн мөлжлөгийн асуудал. Энэ хэрэгт насанд хүрээгүй хүүхдүүд, тэр дундаа бага насны охидыг бэлгийн мөлжлөгт ашигласан гэх маш ноцтой баримтууд ил болсон. Дуу, дүрсний бичлэг, гэрчийн мэдүүлэг, хууль хяналтын байгууллагын материал зэрэг олон эх сурвалжаар баталгаажиж байгаа. Хоёрдугаарт, дэлхийн санхүүгийн сүлжээ, мөнгө угаалтын асуудал байна. Энд зөвхөн оффшор бүсэд мөнгө нуух тухай ойлголт яригдахгүй. Үнэт уран зураг, урлагийн бүтээл, үл хөдлөх хөрөнгө, шилтгээнүүд, үнэт чулуу, тансаг эд зүйлс, зарим тохиолдолд хурдан морийг хүртэл мөнгө угаалтын хэрэгсэл болж ашиглагддаг байж болзошгүй баримт мэдээллүүд гарч ирж байна. Гуравдугаарт, улс орны улс төрийн нөлөөллийн асуудал гарч ирдэг. Дэлхийн улс орнуудын сонгууль, улс төрийн шийдвэр гаргах түвшинд нөлөөлөх оролдлого, өндөр албан тушаалтнуудтай холбоо тогтоох зэрэг асуудлууд гарч ирдэг.  Дэлхий даяар ийм хэмжээний улс төр, санхүүгийн нөлөөлөл гэмт хэргийн сүлжээ ил боллоо. Манай улсын хоёр ч Төрийн тэргүүн энэ сүлжээтэй холбоо тогтоосон  байна.  Тэгэхээр Монгол Улс хууль бус санхүүгийн урсгал, улс төрийн ашиг сонирхлын энэ сүлжээнээс өөрсдийгөө ангид гэж үзэх боломжгүй. Ил болсон баримт, олон нийтэд нээлттэй материалуудыг судалж, Монголтой холбоотой улс төр, бизнесийн хүрээний ямар нэг холбоос, сэжүүр байгаа эсэхийг нягтлах нь иргэний хяналт, үндэсний аюулгүй байдлын хүрээнд чухал гэж үзэж байна.  Миний дэлгэж байгаа баримт материалуудад эргэлзэх зүйл байхгүй. АНУ-ын Хууль зүйн яамны сайт дээр бүгд нээлттэй ил тод байгаа баримтуудыг дэлгэж байна. 
2016 оны УИХ-ын сонгууль, 2017 оны Ерөнхийлөгчийн сонгуультай холбоотой мэдээллүүд харилцсан е-мэйл болон холбогдох баримтуудад дурдагдсан байна. Тухайн үеийн сонгуулийн нөхцөл байдал, улс төрийн өрнөл, нэр дэвшигчидтэй холбоотой мэдээллүүдийг цаг тухайд нь дамжуулсан. Мөн “60 тэрбум”-ын бичлэгийг АНУ-ын студид шинжлүүлсэн асуудалд Ж.Эпштейн  оролцсон гэдэг нь тогтоогдсон. Мөн тухайн үеийн Ерөнхийлөгчийн сонгуульд нэр дэвшигч Х.Баттулга ялсны дараа түүнд баяр хүргэж, баяр талархал илэрхийлсэн байдаг. Мөн Ч.Ганбат гэх хуулийн фирмийн захирал тухайн үеийн улс төрийн мэдээллүүдийг тогтмол хүргэж, харилцан дэмжлэг туслалцаа авч байсан тухай е-мэйлүүд ч байна.  Тэгэхээр одоо хамгийн гол асуудал нь дэмжлэг, туслалцаа гэдэг нь чухам юу байв гэдгийг шалгах хэрэгтэй.  Парламент энэ асуудалд Хянан шалгах түр хороо байгуулж болно. Мөн Засгийн газрын түвшинд ажлын хэсэг байгуулан ажиллаж болно. УИХ-ын болон Ерөнхийлөгчийн сонгуультай холбоотой  маш ноцтой баримтууд тэнд байна.
Тэгвэл Хууль зүйн байнгын хорооны хуралдаанаар Хүн худалдаалах гэмт хэрэгтэй тэмцэх чиглэлээр хэрэгжүүлж буй арга хэмжээний талаарх Засгийн газрын мэдээлэл сонсов. Энэ үеэр Жеффри Эпштейний хэргийн баримтуудтай холбоотой асуудлыг УИХ-ын гишүүд хөндөж УИХ-ын гишүүн Б.Баярбаатар хянан шалгах түр хороо байгуулах санал гаргана гэдгээ хэлсэн юм. Жеффри Эпштейний хэргийн баримтад Монгол Улсын нэр бүхий улстөрчид дурдагдсан бөгөөд энэ хэргийг Цагдаагийн байгууллагаас шалгаж байгаа эсэхийг тодруулахад шалгаагүй гэсэн хариуг өгсөн юм. Түүнчлэн Дубайн гэрээ байгуулахаас нэг жилийн өмнө манай нэр бүхий улстөрчид АНУ-д 23 сая төгрөгийн тасалбартай морин уралдааныг Жеффри Эпштейний зуучлалаар Дубайн гэрээтэй холбоотой хүмүүстэй үзсэн гэдгийг УИХ-ын гишүүн Б.Баярбаатар хэлсэн.
Хууль зүй, дотоод хэргийн сайд С.Амарсайхан: Эпштейний асуудлууд бол Монгол Улсын гадаад нэр хүнд, дотоод аюулгүй байдал, ирээдүйд учирч болзошгүй улс төрийн нөхцөл байдалтай шууд холбоотой учраас холбогдох байгууллагуудын оролцоотой ажлын хэсэг байгуулж, өргөтгөсөн байдлаар ажиллана. Яригдаад буй асуудлууд дээр мэргэжлийн экспертүүдийг оролцуулах замаар тодорхой хугацаанд нарийн дүн шинжилгээ хийж, бодитой мэдээллийг олон нийтэд өгнө. Ямар нэгэн асуудал байгаа бол тэр эргэлзээг тайлах ёстой. Хэрэв манай улсад хамааралгүй сенсац, сураг төдий асуудлыг мухарлах ёстой. Ямар асуудлууд дээр уулзалт яриа явсан, сөрөг эерэг үр дагавар юу байсныг тодорхой болгох үүднээс ажлын хэсэг байгуулж мэдээлэл өгнө.
УИХ-ын гишүүн Х.Булгантуяа: Сүүлийн жилүүдийн тоон мэдээллийг харахад нөхцөл байдал ноцтой түвшинд хүрснийг харуулж байна. Тухайлбал, сүүлийн 5-6 жилийн хугацаанд нийт 92 хохирогч бүртгэгдсэнээс 54 нь насанд хүрээгүй хүүхэд байгаа нь онцгой анхаарал татаж байна. Жеффри Эпштейний хэрэг нь энэ төрлийн гэмт хэргийн цар хүрээ, зохион байгуулалт ямар түвшинд байж болохыг харуулсан томоохон жишээ болсон. Үүнтэй холбоотойгоор олон улсын эх сурвалжид байршуулсан баримт, мэдээллүүдийг шүүн үзэхэд Монгол Улстай холбоотой 900 гаруй тохиолдол бүртгэгдсэн гэх мэдээлэл байна. Эдгээрт байгалийн баялаг, улс төрийн үйл явц, тэр дундаа сонгуультай холбоотой мэдээллүүд цаг минут тутам гарч байсан.  Мөн үнэт эдлэл, бэлэг солилцох, уулзалт зохион байгуулах зэрэг харилцааны хэлбэрүүдийн цаана ямар нөхцөл байдал өрнөж байсныг тодорхойлох шаардлагатай байна. Үүнтэй холбоотойгоор зарим гэрээ хэлцэл, тухайлбал Дубайн гэрээтэй холбоотойгоор хууль хяналтын байгууллагууд шалгалт явуулж байгаа эсэх талаар тодруулга хийх шаардлага үүсэж байна. Бичлэгийг нь хийж барьснаас болоод барьцаанд орж, ийм ашиггүй гэрээ хийсэн байх вий.Мөн цахим харилцаа, мессеж, и-мэйлээр дамжуулан эмэгтэйчүүд, хүүхдүүдийг гадаад улс руу авч явах талаар харилцсан байж болзошгүй баримтууд илэрсэн бөгөөд үүнээс илүү олон тохиолдол байх магадлалтай байна. Иймд олон улсын жишгийн дагуу хохирогч, гэрчүүдийг хамгаалах тогтолцоог сайжруулах шаардлагатай байна. Тухайлбал, зарим улс оронд гэрчийг хамгаалах хөтөлбөрт хамруулж, ил гарсан тохиолдолд аюулгүй байдлыг нь бүрэн хангадаг туршлага бий.
УИХ-ын гишүүн П.Сайнзориг: Хүн худалдаалах гэмт хэрэгтэй холбоотойгоо сэтгэл эмзэглүүлсэн зүйл хэлье. АНУ-ын төрийн департментын веб сайтад манайхтай холбоотой, тэр бүү хэл манай зарим улс төрчдийн нэр гарч ирээд байна. Монгол Улсын төрийн тэргүүнээр ажиллаж байсан Ц.Элбэгдорж болон Ч.Сайханбилэг,  Гадаад хэргийн сайд байсан Пүрэвсүрэн гээд хүмүүсийн нэр гараад байна.  Монгол охидтой цагийг өнгөрөөх гэх мэт бичвэрүүд байна. Үүнийг шалгаж үзсэн юм байгаа юу н.Ганчулуун дарга аа.  Яг үнэнийг хэлэхэд бусад улс орнууд чинь мэдээллийн сайтуудыг нягтлаад, өөр өөрийн шугамаар мэдээллүүдийг мухарлаад, олон нийтэд эргэлзээ төрүүлэхгүйгээр цэгцлээд байна. Бид хэд ийм ноцтой зүйлийг, АНУ-ын төрийн эрх бүхий байгууллагын сайтад нэр гарч ирээд байхад анзаардаггүй. Тэнд, "Монгол охидыг авч очиж байна. Монгол охины виз гараагүй байна шүү. Монгол охидтой цагийг өнгөрөөх" гэсэн зүйл байгаад байна. Үүнийг манай цагдаагийн байгууллага анзаардаг юм болов уу.  Олон нийтийн сүлжээнд дэх ийм мэдээллийг цагдаагийн байгууллага шалгах үүрэгтэй.
Цагдаагийн ерөнхий газрын Тэргүүн дэд дарга Б.Ганчулуун: АНУ-д сүүлийн үед цахим орчинд гарч буй асуудлыг цагдаагийн байгууллагаас шалгаж судалж байгаа. Хийгдэж ажлууд бий.Тухайн асуудлууд бодитой үнэн эсэх нотолгоо бүрдүүлэх дээр АНУ-тай эрх зүйн харилцан туслалцаа байгуулахад тодорхой хэмжээний саад тотгор байна. Гэхдээ бид ингээд зогсчихгүй, албан бус харилцаагаар мэдээлэл солилцох хийгдэж ажлууд бий.
Хууль зүй, дотоод хэргийн сайд С.Амарсайхан: Хэрэгтэй холбоотой асуудлуудыг илүү өндөр түвшний зохион байгуулалтад оруулж ажиллах шаардлагатай байна. Ялангуяа хүний наймаа, хар тамхи, цахим гэмт хэрэгтэй холбоотой асуудлууд дээр тусгай ажлын хэсгүүд байгуулж, нэгдсэн зохион байгуулалттайгаар ажиллах нь зүйтэй. Манай улсад нэг буруу ойлголт байсаар ирсэн. Тухайлбал, хар тамхины асуудлыг хөндөж яривал хэрэглээг нь нэмэгдүүлнэ гэж үздэг байснаас нөгөө талдаа урьдчилан сэргийлэх ажлууд орхигдож ирсэн. Үүний улмаас хар тамхины хэрэглээ хяналтаас гарч, "хар тахал" гэх хэмжээнд хүрсэн гэж дүгнэж болохоор байна. Ялангуяа өсвөр насныхны дунд энэ асуудал ноцтой түвшинд хүрчээ. Иймд нэгдүгээрт, энэ чиглэлээр ажиллаж буй нэгж, бүлэг бүрэлдэхүүнийг өргөтгөж, тодорхой стратеги, төлөвлөгөө боловсруулан хэрэгжүүлэх шаардлагатай. Хоёрдугаарт, хүний наймаа нь зүгээр нэг яриад өнгөрөх асуудал биш бөгөөд олон хэлбэрээр, далд байдлаар үйлдэгдэж байгаа тул тусгай ажлын хэсэг байгуулж, нарийвчлан шалгах шаардлагатай байна.
 
]]> zulaa Fri, 08 May 2026 12:49:20 +0800 ГЕГ-ын ажилтныг хахууль авч байхад нь баривчилжээ http://songino.nutag.mn/index.php?newsid=3294 http://songino.nutag.mn/index.php?newsid=3294
Авлигатай тэмцэх газрын Мөрдөн шалгах хэлтсээс 2026 оны дөрөвдүгээр сарын 26-ны өдөр нийслэлийн Сонгинохайрхан дүүргийн нутаг дэвсгэрт нийтийн албан тушаалтныг хахууль авч байхад нь үйлдэл дээр нь саатуулж, хойшлуулшгүйгээр баривчилжээ.
Монгол Улсын хилээр бараа, тээврийн хэрэгсэлд гаалийн хяналт шалгалт хийх Гаалийн ерөнхий газрын эрх бүхий албан тушаалтнууд нь бүрэн эрх, албан тушаалын байдлаа урвуулан ашиглаж, бараа тээвэрлэгч аж ахуйн нэгжүүдийн ашиг сонирхлын үүднээс гүйцэтгэх ёсгүй үйлдлийг гүйцэтгэж хахууль авах, хууль бусаар олсон орлогын эх үүсвэр, бодит шинж чанарыг өөрчлөн мөнгө угаасан байж болзошгүй гэх мэдээлэлд Эрүүгийн хуулийн 18.6-1, 22.1-1, 22.4-1-т тус тус зааснаар хэрэг бүртгэлтийн хэрэг нээн шалгаж байна.
Гаалийн ерөнхий газрын гаалийн улсын байцаагч “Н” нь нэр бүхий тээвэр зуучийн үйл ажиллагаа эрхэлдэг аж ахуйн нэгжийн захирлаас хийх ёсгүй үйлдэл буюу эрх мэдэл, албан тушаалын байдлаа урвуулан ашиглаж давуу байдал бий болгосны хариуд 2026 оны дөрөвдүгээр сарын 26-ны өдрийн 20:00 цагт нийслэлийн Сонгинохайрхан дүүргийн нутаг дэвсгэрт 50,000,000 төгрөгийн хахууль авч байх үед нь саатуулж, хойшлуулшгүйгээр баривчлан мөрдөн шалгах ажиллагааг явуулж байна гэж Авлигатай тэмцэх газраас мэдээлэв.
]]> zulaa Mon, 27 Apr 2026 17:14:31 +0800 О.Санчирбал: Эрүүгийн хуульд өөрчлөлт орсноор авлигын хэрэгт оногдуулах ял эрс хүндэрсэн http://songino.nutag.mn/index.php?newsid=3293 http://songino.nutag.mn/index.php?newsid=3293
2022 онд Эрүүгийн хуульд нэмэлт өөрчлөлт орсонтой холбоотойгоор ялын бодлого хэрхэн өөрчлөгдсөн талаар Монголын Өмгөөлөгчдийн холбооны Удирдах зөвлөлийн гишүүн, өмгөөлөгч О.Санчирбалтай ярицллаа.
 
-Эрүүгийн хуульд нэмэлт өөрчлөлт орсонтой холбоотой ялын бодлого чангарсан гэж яригдаад байгаа. Ялангуяа авлига албан тушаалын хэрэг дээр нэлээд чангарсан нь саяхан шийдэгдсэн Л.Б-ийн хэрэгт 13 жилийн ял оноосноос харагдаж байх шиг. Тэгэхээр энэ хуулийн өөрчлөлтийг талаар яриагаа эхлэхийн өмнө энэ яригдаад байгаа жишээн дээр тулгуурлаж тайлбарлавал илүү дөхөм болов уу?
-Монгол Улсын Их хурлаас 2022 оны 12 дугаар сарын 16-ны өдөр Эрүүгийн хуульд өөрчлөлт оруулж, Эрүүгийн хуулийн 22 дугаар бүлэгт заасан Авлигын гэмт хэрэгт оногдуулах, эрүүгийн хариуцлагыг хүндрүүлсэн.
Энэ цаг хугацаанаас хойш үйлдэгдсэн гэмт хэрэгт ял оногдуулахад өмнөх хуулийн зохицуулалт үйлчлэхгүй, чангатгасан зохицуулалт үйлчилнэ гэж ойлгож болно. Таны асуусан хэргийн тухайд улс төрд нөлөө бүхий бүхий этгээд үйлдсэн гэх онц хүндрүүлэх бүрэлдэхүүнтэй байсан гэж шүүхийн шийтгэх тогтоолоос ойлгогдсон. Эрүүгийн хуульд орсон өөрчлөлтөөр нийтийн албанд томилогдох эрхийг бүх насаар нь хасаж, 12-20 жил хүртэлх хугацаагаар хорих ялтай болсон хэрэг. Өөр нэг хэрэгт давхар зүйлчлэгдсэн байсан. Тэр хэрэгт нь нэг жилийн хорих ялыг нэмж, нэгтгэн нийт эдлэх ялыг 13 жилээр тогтоосон гэж ойлгогдож байгаа.
-Дээрх олон жилийн ял оноосон асуудал нь авлига албан тушаалын хэргийг өмнө нь бүлэглэн гэж авч үздэггүй байсантай холбоотой юу?
-Тэгж ойлгож болохгүй л дээ. Гэмт хэрэгт хамтран оролцох хэлбэр буюу хоёр ба түүнээс дээш этгээд Эрүүгийн хуулийн тусгай ангид заасан гэм буруутай үйлдлийг хамтын хүчин чармайлтаар, санаа зорилгоо нэгтгэж үйлдэх хэлбэр байдаг. Аливаа гэмт хэргийг бүлэглэн, хамтарч үйлдэх нь тухайн гэмт үйлдлийн нийгмийн аюулын шинж чанар, хохирол, хор уршгийг нэмэгдүүлдэг талтай байдаг тул ямагт ганцаараа үйлдсэн гэмт хэргээс хүнд ял оногдуулдаг. Энэ зохицуулалт өмнө нь ч байсан, одоо ч Эрүүгийн хуульд байгаа. Зөвхөн авлигын хэрэгт ч гэлтгүй бүх төрлийн хэргийг бүлэглэн үйлдвэл ял хүндрүүлж оногдуулдаг. Харин өмнө дурдсан авлигын гэмт хэргийн тухайд авч үзвэл тэр төрлийн хэрэгт оногдуулах ялын хэмжээг Эрүүгийн хуульд 2022 онд оруулсан өөрчлөлтөөр нэмэгдүүлж хуульчилсантай шууд холбоотой. 
-Авлига албан тушаалын хэргийн ялыг нэмэгдүүлснээс гадна Эрүүгийн хуульд онцлох ямар өөрчлөлт орсон бэ?
-Эрүүгийн хуулийн шинэчилсэн найруулга батлагдсанаас хойш олон нэмэлт, өөрчлөлт ороод байгаа. Аливаа хууль нийгмийн харилцаа хөгжих, шинэ төрлийн харилцаа үүсэх, түүнийг хуульчлах, хууль бус үйлдлийг хязгаарлах шаардлагын үүднээс байнга өөрчлөгдөж байдаг. Таны тусгайлан сонирхоод байгаа 2022 онд орсон өөрчлөлтөөр авлигын гэмт хэрэгт өршөөл үзүүлэхгүй талаарх өөрчлөлт, гэм буруугаа хүлээн зөвшөөрсөн хүний ялыг хөнгөрүүлэх, ялаас чөлөөлөх нөхцлүүд дээр нэмэлтээр мөрдөн шалгах ажиллагааг шуурхай явуулж гэмт хэргийг нотлоход дэмжлэг үзүүлсэн байдлыг харгалзан үзэхээр нэмэлт оруулсан. Хамгийн сүүлд л гэхэд өнгөрсөн оны тавдугаар сард мөрийтэй тоглоом зохион байгуулах, төлбөрт тааварт бооцоот тоглоом зохион байгуулах, мөн энэ төрлийн үйлдэлд дэмжлэг үзүүлэхтэй холбоотой үйлдлүүдийг Эрүүгийн хуульд нэмж оруулсан. Энэ төрлийн гэмт хэргийн улмаас учирч байгаа хохирлын хэмжээ, нийгмийн хор аюул зэрэгт төрийн зүгээс онцгой анхаарах шаардлага үүссэн гэсэн үг. Сүүлийн жилүүдэд цахим хэрэглээг дагасан зөрчил, гэмт хэрэг ихээхэн үйлдэгдэх болсон байна. Үүнээс улбаалан Кибер аюулгүй байдал, Эдийн засгийн гэмт хэрэг, тэр дундаа Виртуал хөрөнгөтэй холбоотой үйлдлүүдийг эрүүжүүлэн шийдвэрлэх болсон. Энэ нь юуг харуулж байна вэ гэхээр нийгмээ дагаад хууль бус үйлдэлтэй тэмцэх төрийн бодлого, цаашлаад иргэдийн өмчлөх эрх, хил дамнасан хууль бус гүйлгээ гэх мэт олон сөрөг үр дагаврууд байх тул Эрүүгийн хуульд нэмэлт орсон гэж үзэж болно.
-Энэ өөрчлөлт хэзээ орсныг ч үнэндээ олон нийт төдийлөн мэдээгүй анхаараагүй байх шиг. Нөгөө талаар иргэдэд хуулийг сурталчлан таниулах ажил хэр үр дүнтэй хийгдэж байна вэ?
-Шинээр гарч буй хууль тогтоомжийг олон нийтэд таниулах, сурталчлах ажил нь төрийн бүх шатны байгууллагуудын үүрэг. Иргэн бүр нийгмийн харилцаанд орж байгаагийн хувьд өөрийн үйлдэлдээ хянамгай хандаж, холбогдох хууль тогтоомжийг судлах, хуульчаас зөвөлгөө авах зэргээр эрсдлээс урьдчилан сэргийлэх ёстой. Хуулийг мэдэхгүй байх нь түүнийг аливаа хариуцлагаас чөлөөлөх үндэслэл болдоггүй. Хөрөнгө, эд зүйлс хэзээ ч амар хялбар аргаар бий болохгүй. Зарим хүмүүс илбэ шидийн юм шиг нэг л кноп дараад мөнгөтэй болно гэх сэтгэхүйтэй болж. Ийм буруу хандлага сэтгэлгээ нь иргэд гэмт хэргийн хохирогч болох эсхүл хэрэгт холбогдуулж, өндөр ялаар шийтгэгдэх эрсдэлийг бий болгож байдаг тул аливаа үйлдэлдээ туйлын хянуур, хэрсүү байх хэрэгтэй. Мэдээж Монгол Улсад хүчин төгөлдөр мөрдөгдөж байгаа бүх хуулийг нийт иргэдэд сурталчлан таниулах, ойлгуулна гэдэг боломжгүй. Харин та өөрийн эрхэлж байгаа ажил, бизнесийн үйл ажиллагаатайгаа холбоотой эрсдэлийг нарийн тооцох, өөрийн үйл ажиллагаанд шууд холбогдох хууль тогтоомжийг судлах, эсвэл мэргэшсэн хуульчид хандах, зөвлөгөө авч эрсдэлээс сэргийлэх бүрэн боломжтой.
-Юуны өмнө энэ асуултаараа аливаа гэмт хэргийг зөвтгөх гээгүй гэдгээ онцлон тодотгоё. Гэхдээ нэгэнт ялын бодлого чангарсан л бол Эрүүгийн хэрэгт холбогдсон тохиолдолд өмнөхөөс илүү хүнд ялаар шийтгүүлнэ гэсэн үг үү. Дээр яригдсан 2022 оны Эрүүгийн хуулийн өөрчлөлтөөс хойш үйлдэгдсэн авлига, албан тушаалын гэмт хэрэг болгон ингэж хүнд шийтгүүлнэ гэж ойлгож болох уу?
-Хууль буцаан хэрэглэх гэдэг ойлголт Эрүүгийн эрх зүйд байдаг. Шинэ хуулиар тухайн гэмт хэрэгт оногдуулах ялын хэмжээг багасгасан тохиолдолд шүүх урьд ял шийтгүүлсэн этгээдийн ялыг шинээр тогтоосон хэмжээнд нийцүүлэн хасна. Таны сонирхоод байгаа Эрүүгийн хуульд 2022 онд орсон өөрчлөлтөөр ялыг багасгаагүй, харин нэмэгдүүлсэн тул тухайн өөрчлөлт орсоноос хойш үйлдэгдсэн хэргүүдэд оногдуулах ял өндөр л оногдуулна. Гэхдээ ямар шинжээрээ хэргийн зүйлчлэл хүндэрч байгааг зайлшгүй харгалзана. Тухайн хэргийн хувьд улс төрд нөлөө бүхий этгээдэд хамаарахгүй байсан бол сая шүүхээс оногдуулснаас цөөн жилээр шийтгүүлэх хууль зүйн боломж байсан гэж дүгнэхээр байгаа.
-Авлига албан тушаалын гэмт хэрэгт оногдуулах ялын хэмжээ нэмэгдсэн талаарх мэдээлэл, иргэдэд энэ талаар ойлголт өгөх ажил хэр явагдсан бэ?
-Албан тушаалын гэмт хэрэгт оногдуулах ялын хэмжээг эрс нэмэгдүүлсэн талаар Нийтийн албанд ажиллагсадын хүрээнд хангалттай таниулах ажиллагаа хийгдсэн. Олон нийтийн мэдээллийн хэрэгслээр ч их мэдээлэгдсэн. Албан тушаалын гэмт хэргүүд нь зөвхөн санаатай үйлдэгддэг, гэмт этгээд өөрийн үйлдлийг хууль бус болохыг ухамсарлаж түүнийг хүсч үйлддэг. Ийм учраас нийгмийн хор аюул ихтэйд тооцогддог, ял шийтгэл нь чанга байдаг.
Эх сурвалж: “Зууны мэдээ” сонин
2026 ОНЫ ДӨРӨВДҮГЭЭР САРЫН 22. ЛХАГВА ГАРАГ. № 76 (7818)
]]> zulaa Fri, 24 Apr 2026 15:25:21 +0800 Сонгинохайрхан дүүрэгт 280 хүүхдийн бага сургууль, цэцэрлэгийн цогцолборын барилгын ажил 86 хувьтай үргэлжилж байна http://songino.nutag.mn/index.php?newsid=3292 http://songino.nutag.mn/index.php?newsid=3292
Сонгинохайрхан дүүргийн 8 дугаар хорооны нутаг дэвсгэр буюу Гүнжийн нуур орчимд 280 хүүхдийн суудалтай бага сургууль, цэцэрлэгийн цогцолборын барилгын ажил 86 хувийн гүйцэтгэлтэй үргэлжилж байна. Нийслэлийн төсвийн хөрөнгө оруулалтаар баригдаж буй тус цогцолбор барилга нь зоорьгүй 2 давхар, 36м х 36м хэмжээтэй 3 блок бүхий нийт 2,556 м.кв бүхий барилга юм.
Тус цогцолбор нь нийт 280 хүүхдийн суудал бүхий хичээлийн анги танхим, бүлгийн өрөө, спорт заал, багш, ажилчдын өрөө, хувцас солих өрөө, гал тогоо, ариун цэврийн өрөө болон бусад өрөө тасалгаануудаас бүрдсэн. Өнөөдрийн байдлаар дотор засал болон гадна тохижилтын ажлууд хийгдэж байгаа бөгөөд 2026 оны 9 дүгээр сард ашиглалтад оруулахаар төлөвлөж байна. Гадна тохижилтын хүрээнд хүүхдийн тоглоомын талбай, сүүдрэвч, явган хүний зам, авто зогсоол, гэрэлтүүлэг болон бусад тохижилтын ажлуудыг гүйцэтгэх юм. Уг бүтээн байгуулалтын захиалагчийн техникийн хяналтыг нийслэлийн Хөрөнгө оруулалтын газар хэрэгжүүлэн ажиллаж байна.
]]> zulaa Thu, 23 Apr 2026 09:40:18 +0800 Таван шарын төмөр замын гармын баруун талын авто замыг хэсэгчлэн хаана http://songino.nutag.mn/index.php?newsid=3291 http://songino.nutag.mn/index.php?newsid=3291
Сонгинохайрхан дүүргийн 20 дугаар хороонд байрлах Таван шарын нүхэн гарц дээгүүр явган хүний гүүрэн байгууламж барина.
Энэ хүрээнд Таван шарын төмөр замын гармын баруун талын авто зам буюу Найрамдлын зам дагуух хөдөлгөөнийг 2026 оны 4 дүгээр сарын 17-ны өдрийн 08:00 цагаас 4 дүгээр сарын 24-ний өдрийн 23:00 цаг хүртэл түр хугацаанд хязгаарлана.
Тухайн хугацаанд замыг бүрэн хаахгүй бөгөөд зорчих хэсгийг нэг эгнээ болгон хэсэгчлэн хааж, тээврийн хэрэгслийн хөдөлгөөнийг зохицуулна.
Иймд жолооч та бүхэн байршуулсан замын тэмдэг, тэмдэглэгээг мөрдөж, Замын хөдөлгөөний дүрмийг сахиж, хөдөлгөөнд оролцохдоо анхаарал болгоомжтой байхыг хүсье. 
]]> zulaa Mon, 20 Apr 2026 17:36:49 +0800 Толгойтоос Ард Аюушийн өргөн чөлөө хүртэлх 3.9 км авто замын ажил 90 хувьтай үргэлжилж байна http://songino.nutag.mn/index.php?newsid=3290 http://songino.nutag.mn/index.php?newsid=3290
Толгойтоос Ард Аюушийн өргөн чөлөө хүртэлх 3.9 км авто замын зорчих хөдөлгөөнийг өнгөрсөн оны аравдугаар сард нээсэн. Үргэлжлүүлэн явган зам болон гүүрэн байгууламжийн ажлыг хийж байна. Энэ талаар нийслэлийн Замын хөгжлийн газрын Зам барилгын хяналтын хэлтсийн ахлах мэргэжилтэн Б.Түшиг-Эрдэнээс тодрууллаа.
НЗХГ-ын Зам барилгын хяналтын хэлтсийн ахлах мэргэжилтэн Б.Түшиг-Эрдэнэ "Толгойтын авто замаас Ард Аюушийн өргөн чөлөө хүртэлх 3.9 км авто замын ажлыг 2023 онд эхэлж, 2025 оны аравдугаар сард эхний 2.8 км авто замын зорчих хөдөлгөөнийг нээсэн. Өнөөдрийн байдлаар Ард Аюушийн өргөн чөлөөний хэсэгт тулц хана байгуулах, гадаргын ус зайлуулах шугам угсрах, авто замын өргөтгөлийн суурь бэлтгэх ажлууд үргэлжилж байна.
Мөн иргэд, аж ахуйн нэгжүүдийн хүсэлтийн дагуу дөрвөн байршилд гэрэл дохиотой явган хүний гарц, хоёр байршилд гэрлэн дохионы зохицуулалттай дөрвөн замын уулзвар нэмэлтээр хийж байна. Төслийн нийт ажлын 40 орчим хувийг шугам сүлжээний ажил эзэлж байгаа. Үүнээс 85 хувийг нь гүйцэтгэсэн. Өнөөдрийн байдлаар нийт ажлын явц 90 хувьтай үргэлжилж байна. Долоодугаар сарын 10-нд бүрэн дуусгахаар төлөвлөж байна” гэв.
]]> zulaa Mon, 20 Apr 2026 15:59:48 +0800 1551 байршилд камер ажиллаж байна. Үүнийг 1856-аар нэмэгдүүлнэ http://songino.nutag.mn/index.php?newsid=3289 http://songino.nutag.mn/index.php?newsid=3289
“Аюулгүй нийгэм-Бидний оролцоо” уриан дор Цагдаагийн ерөнхий газрын Урьдчилан сэргийлэх албаны нэгдсэн сургалт, зөвлөгөөн-2026 амжилттай зохион байгуулагдлаа.
Тус арга хэмжээнд НИТХ-ын дарга, Нийслэлийн гэмт хэргээс урьдчилан сэргийлэх салбар зөвлөлийн дарга А.Баяр оролцож, гэмт хэргээс урьдчилан сэргийлэх чиглэлд баримтлах бодлого, цаашид хэрэгжүүлэх ажлын чиглэл, анхаарах асуудлуудыг тодорхой танилцууллаа.
Тэрбээр хэлсэн үгэндээ нийслэлийн хэмжээнд, тэр дундаа гэр хороололд үйлдэгдэж буй гэмт хэргийн нөхцөл байдлыг онцолж, урьдчилан сэргийлэх ажлыг илүү оновчтой, технологид суурилсан хэлбэрээр эрчимжүүлэх шаардлагатай гэлээ. Одоогийн байдлаар нийслэлийн 9 дүүргийн 1551 байршилд хяналтын камер ажиллаж байгаа бөгөөд гэмт хэрэг ихээр үйлдэгддэг “хар цэг”-үүдийг тодорхойлсны үндсэн дээр нэмэлтээр 1856 байршилд ухаалаг камер суурилуулах шаардлагатайг онцлоод, бүрэн камержуулна гэв.
Мөн "Гэр хорооллыг бүрэн камержуулж чадвал тухайн бүсэд үйлдэгдэж буй гэмт хэргийн тоо мэдэгдэхүйц буурна. Орчин үеийн хот, улс орнууд хиймэл оюунд суурилсан хяналтын системийг нэвтрүүлж, аюулгүй байдлаа хангаж байна. Бид ч мөн энэ чиглэлд бодит ахиц гаргах ёстой. Камержуулснаар тухайлбал, 2025 онд залилангийн төрлөөс бусад гэмт хэргийн гаралт 30 хүртэлх хувиар буурсныг ЦЕГ-аас мэдээлсэн. Энэхүү эерэг үзүүлэлтэд зөвхөн техник, технологийн дэвшил бус иргэд, аж ахуйн нэгж, байгууллагын оролцоо, хамтын ажиллагаа чухал.
Үүний тод жишээ нь өнгөрсөн сар шинийн баярыг угтан хэрэгжүүлсэн “Хашаагаа нээе” аян байлаа. Иргэд өөрсдийн хашаа, орчноо нээлттэй болгож, харилцан хяналт, оролцоог нэмэгдүүлснээр гэмт хэргээс урьдчилан сэргийлэхэд бодит хувь нэмэр оруулсан, бид түгжрэлгүй шинэлсэн" гэдгийг онцоллоо.
Мөн А.Баяр дарга урьдчилан сэргийлэх ажлыг зөвхөн техник, хяналтаар хязгаарлахгүй, хүмүүжил, соён гэгээрүүлэх бодлоготой уялдуулах шаардлагатайг дурдлаа. Хүүхэд гэмт хэрэгт холбогддоггүй байхад зорьсон “Монгол хүн” хөтөлбөрийг өргөжүүлэхийн чухлыг санууллаа.
Тэрбээр “Өөрийн үндэсний өв соёл, мал аж ахуй, нүүдэлчин соёлоо ойлгосон хүүхэд хэзээ ч бусдыг дээрэлхэх, буруу үйлдэл хийж танхайрахгүй. Таван хошуу малаа өсгөдөг, байгаль дэлхийтэйгээ ойрхон өссөн хүүхэд өрөвч нинжин сэтгэлтэй болдог. Иймд хүмүүжлийн бодлого гэмт хэргээс урьдчилан сэргийлэхэд чухал нөлөөтэй” гэлээ.
]]> zulaa Mon, 20 Apr 2026 11:25:15 +0800